Almaty jurtshylyǵy Qasym Jákibaevty aqtyq saparǵa shyǵaryp saldy

Buǵan deıin habarlaǵanymyzdaı, óner tarlany 8 tamyz kúni aýyr naýqas saldarynan dúnıe salǵan bolatyn.

Qoshtasý rásimi ózi eńbek jolyn bastap, uzaq jyldar eńbek etken Ǵ.Músirepov atyndaǵy balalar men jasóspirimder teatrynda ótti. Marqummen qoshtasýǵa ónersúıer qaýym, kıno men teatrdaǵy áriptesteri, týystary jınaldy. 82 jasynda ómirden ozǵan has sheber óz ǵumyrynda 70-ten astam kıno, 300-ge jýyq teatr keıipkeriniń rólin somdady.

«Jastarǵa úlgi bola bilgen, betke ustar, teatrymyzdyń aqsaqaly edi. Teatrymyzdyń akterleri taǵy bir ákelerin joǵaltty. Ózim úshin sondaı aýyr jaǵdaı. 15 jyl boıy qasynda tálim-tárbıesin kórdik. Qazaq ónerindegi orny, shoqtyǵy bıik tulǵa kórermen men áriptesteriniń kóńilinde máńgi qalary sózsiz», - dedi akter Jomart Zeınábil.

Marqumnyń denesi Keńsaı zıratyna jerlendi.