«Almaty JOO-na grantty utyp al!» olımpıadasyna 100-den astam oqýshy qatysýda
ALMATY. 23 sáýir. QazAqparat /Ádilet Musahaev/ - Almatydaǵy Q.Sátbaev atyndaǵy QazUTÝ-de 11-synyptyń 110 oqýshysy «Almaty JOO-na grantty utyp al!» olımpıadasyna qatysýda.
Olımpıadanyń quryltaıshylary quramyna qala ákimdigi men Almatydaǵy QazUTÝ, QazEÝ, QazUPÝ, Almaty tehnologııalyq ýnıversıteti sııaqty jetekshi 12 JOO kirip otyr.
QazUTÝ-dyń áleýmettik ister jónindegi prorektory Qanatbek Muqanovtyń aıtýynsha, olımpıadanyń mańyzdylyǵy, múgedektigi bar, ata-anasynyń qaraýynsyz qalǵan, kóp balaly jáne jaǵdaıy tómen otbasylardyń oqýshylary grant úshin kúresýinde.
Testileý jumystary qazaq nemes orys tili, matematıka, Qazaqstan tarıhy jáne tórtinshi óziniń tańdaǵan páni boıynsha UBT ortalyǵynyń erejesine saı ótýde.
«3 saǵattan keıin testileý jumysynyń nátıjesi belgili bolady. Barlyq jaýaptar Almatydaǵy Respýblıkalyq testileý ortalyǵynyń fılıalynda qaralady. Keshki saǵat 4-ter shamasynda grantty tabystaý sharasy ótedi. Degenimen, barlyq qatysýshylar UBT jumysyna mindetti túrde qatysyp, 50-den kem ball jınamaýy kerek», -dep atap ótti óz sózinde Q. Muqanov.
