Almaty joldarynyń sapasy tekserile bastady
ALMATY. QazAqparat – Almaty qala qurylysyn baqylaý basqarmasy megapolıste jóndelip jatqan joldardyń sapasyn tekseredi, dep habarlaıdy QazAqparat tilshisi.
Almatyda joldardy ortasha jóndeý jumystary bastaldy. Qala qurylysyn baqylaý basqarmasy ár ýchaskeniń standarttarǵa sáıkestigi tekseriletinin málim etti.
Búgin basqarma ınspektorlary Almaly aýdanynda jóndeý jumystary júrgizilip jatqan birneshe nysanǵa bardy.
«Bizdiń ınspektorlar ár ýchaskedegi jol jabynynyń sapasyn tekseredi. Asfalt zerthanalyq tekserýden ótip jatyr. Sonymen qatar, asfalttyń qurylys standarttaryna sáıkestigi arnaıy termometrmen tekseriledi. Eger temperatýra rejımi sáıkes kelmese – 120 gradýstan joǵary bolsa, mundaı materıal jaramsyz tanylyp, qaıtarylady», - dep túsindirdi basqarmadaǵylar.
Asfaltbeton jabyny standarttarǵa sáıkes kelýi kerek.
