Almaty joldarynda jóndeýdi qajet etetin 1,8 myń ýchaske anyqtaldy
ALMATY. QazAqparat - Almaty qalasy mobıldilik basqarmasy basshysynyń orynbasary Ernur Ábjahan onlaın brıfıng barysynda qaladaǵy joldardyń sapasy jaıly aıtty, dep habarlaıdy QazAqparat tilshisi
8 sáýirdegi jaǵdaı boıynsha qaladaǵy 287 kóshede jóndeýdi qajet etetin 1 844 ýchaske anyqtalǵan.
«12 sáýir kúni qala kóshelerindegi 205 shuńqyr jamalyp, 15 qaqpaq túzetildi. Sonymen qatar, qalanyń kommýnaldyq jáne ınjenerlik qyzmeti qazǵan 564 shuńqyr anyqtaldy. Taǵy 30 shuńqyrdy jekemenshik uıymdar qazǵan. Qazir qala kóshelerin jóndeýge 36 brıgada, 160 arnaıy tehnıka, 394 jumysshy tartyldy. ıAǵnı, qaladaǵy 35 kóshede jóndeý jumysy júrgizilip jatyr», - dedi ol.
Almatyda 3 096,8 shaqyrym jol bar, sonyń 298,5 shaqyrymyna áli asfalt tóselmegen. 2025 jylǵa deıin qalada 350 shaqyrym jańa joldyń qurylysy júrgizilmek.
«Bıyl 200 kóshede 196,5 shaqyrym aýmaqqa ortasha jóndeý júrgiziledi. Onyń ishinde 17 magıstraldy kóshe bar. Atap aıtqanda T.Rysqulov, Súıinbaı, Q.Sátbaev, Kúderın, Raıymbek, B.Momyshuly, S.Seıfýllın jáne taǵy basqalary. Sáýir aıynda montaj jumystaryna daıyndyq bastalady. Al asfal tóseý jumysy mamyr aıynda júrgiziledi. Magıstraldy kóshelerdi jóndeý jumysyn shilde aıynyń sońyna deıin aıaqtaýdy josparlap otyrmyz. Basqa kóshelerdi jóndeý jumysy qazan aıyna deıin jalǵasady», - dedi Ernur Ábjahan.
Sonymen qatar, ol qaladaǵy 10 yqshamaýdanda joldar kúrdeli jóndeýden ótetinin tilge tıek etti.
