Almaty joldarynda jıektastar bolmaıdy
ALMATY. QazAqparat - Almaty qalasynyń Sáýlet jáne qala qurylysy basqarmasy basshysynyń mindetin atqarýshy Almashan Ahmedjanov kespe tastyń paıdasy, burynǵy qatelikter men jıektastary joq qala týraly aıtyp berdi, dep habarlaıdy «QazAqparat» tilshisi.
Qazir Almaty kóshelerin 2019 jyly qaıta qurý jobalary boıynsha belsendi jumys júrgizilýde. Olar saraptamada jatyr, múddeli qoǵamdastyq, sonyń ishindeUrban forum-men táptishteý, talqylaý jumystary júrgizilip, basqa kóshelerde jiberilgen qatelikter esepke alynýda.
Qaıta jańartylatyn kóshelerge asfalt emes, trotýar plıtkasy tóseledi.
«Bir jaǵynan qaraǵanda, plıtka jatsa, ony tazalaý, qardan tazartý, paıdalaný arzanǵa túsedi. Asfalt bolsa, jarylyp, 2-3 jyldan soń ony qaıta tóseýge týra keledi. Al bedertasty bólshektep aýystyrýǵa bolady. Bul - dogma emes. 10 jyldan keıin basqa qurylys materıaly paıda bolýy múmkin. Biz josparlaǵan árbir zattyń praktıkalyq túsiniktemesi bar, bul jaı ǵana ádemilik úshin emes, tabıǵı teńgerimniń saqtalýy úshin jasalady. Barlyq ǵımarattardyń turaqty bolýy nazarǵa alynady. Dızaın turǵysynan alǵanda, synaıtyndar kóp, bul durys emes, sebebi keıbir ister tehnıkalyq jaǵy eskergen», - dedi A.Ahmedjanov.
Almashan Ahmedjanovtyń aıtýynsha, jańa jylda qala bıik jıektastan bas tartpaq.
«Qurylys normalary boıynsha jıektas bólekteýi tıis, al biz jasyl shóp pen jol jabyndysynyń arasyndaǵy shekarany tegisteý úshin ony alyp tastaýdy sheshtik. ıAǵnı sonda adam súrinbeıdi, shalynbaıdy. Jaıaý júrginshilerge arnalǵan jolda jıektastar bolmaıdy. Jaıaý júrginshilerge jıektastyń ne keregi bar? Qorshaýsyz qala baǵdarlamasy ótti, qala keńeıdi, keńistik ashyldy. Endi ǵımarattardy ashyp otyrmyz. Bul damyǵan elderdiń tehnologııalary boıynsha jasalyp otyr», - dep atap ótti ol.
