Almaty joldarynda reıd júrip jatyr
ALMATY. QazAqparat – Almatyda ótip jatqan «Qaýipsiz jol» jedel-aldyn alý sharasy barysynda shahar joldarynda 800-den astam buzýshylyq anyqtaldy, dep habarlaıdy QazAqparat tilshisi.
«Eń kóp kezdesetin buzýshylyqtar: avtokólikti mas kúıde basqarý – 13, kólikti júrgizý quqyǵynsyz basqarý – 8, kólik quralyn basqarý quqyǵynan aıyryla tura rýlge otyrý – 2, jalǵan MTNB salynǵan kólikti basqarý –8, jolaqtyń qarsy betine shyǵý – 15, baǵdarshamnyń tyıym salynǵan túsine ótý – 15, apattyq jaǵdaı jasaý – 48, kólik quralyn basqarý kezinde uıaly telefondy qoldaný – 141, qaýipsizdik beldigin paıdalanbaý – 162, manevr jasaý erejelerin buzý – 128, sonymen qatar 154 jaıaý júrginshi jasaǵan quqyq buzýshylyqtar», – dedi Almaty qalalyq Polıtsııa departamenti Jergilikti polıtsııa qyzmeti basqarmasynyń bastyǵy Manap Sattarov.
Qadaǵalaý fýnktsııalarynan basqa, jergilikti polıtsııa qyzmeti men ákimshilik polıtsııa basqarmasynyń qyzmetkerleri aldyn alý jumystaryn júrgizýde.
