Almaty joldarynda 400 polıtsııa qozǵalysty rettep tur
ALMATY. QazAqparat - Almaty polıtsııasy jaryq óship qalǵan soń qaladaǵy jol qozǵalysyn retteýge shyqty, dep habarlaıdy QazAqparat tilshisi.
«Qalada jaryq óshkeni týraly habarlama túsken soń jol patrýldik polıtsııa qyzmetkerleri barlyq qıylystarda jol qozǵalysyn retteýge kóshti. Eń aldymen magıstraldi kóshelerge, keıin ekinshi deńgeıdegi kóshelerge polıtsııa sap túzedi. Jol qozǵalysyn retteýge 400 polıtsııa qyzmetkeri shyqty», - dedi qalalyq Polıtsııa departamentiniń baspasóz qyzmetinen.
Polıtsııanyń habarlaýynsha, qazir kóshelerde jol kólik qozǵalysy rettelgen. Jol oqıǵasy tirkelgen joq.
Eske sala ketsek, Almaty qalasynyń birqatar aýdandary jaryqsyz qalǵannyn habarlaǵan bolatynbyz.
