Almaty joldaryna kóktaıǵaqqa qarsy 2400 tonna qum sebildi
ALMATY. QazAqparat - Almaty kóshelerinde kóktaıǵaqtyń aldyn alý maqsatynda kommýnaldyq qyzmet ókilderi 2400 tonna qum men tuz qospasyn seýip shyqty, dep habarlaıdy QazAqparat tilshisi.
Almaty ákimdiginiń baspasóz qyzmeti habarlaǵandaı, qalada 17 qarasha kúni saǵat 14.40-ta bastalǵan qar 18 qarasha kúni saǵat 03.00-ge deıin tolassyz jaýǵan.
Qalanyń ishine jaýǵan qardyń qalyńdyǵy - 5-7 sm, taýly aımaqtardaǵy qar qalyńdyǵy 20 sm-ge jetken.
Kommýnaldy qyzmetter kóktaıǵaqtyń aldyn alý maqsatynda qala kóshelerine 2400 tonna qum men tuz qospasyn seýip shyqty.
Túngi ýaqytta shahardaǵy qardy tazalaýǵa 491 tehnıka men 491 jumysker jumyldyryldy.
18 qarasha kúni tańerteń 554 arnaıy tehnıka men 1500-ge jýyq jol jumysshysyn shyǵarý josparlanǵan.
Qala syrtyna 297 tekshe metr qar shyǵaryldy.
Aýdandyq ákimdikter men merdigerlik kásiporyndarda qar jınaý jumysynyń óndirisin baqylaý boıynsha táýlik boıy kezekshilik uıymdastyryldy.
