Almaty JEO-2-ni kómirden gazǵa aýystyrý tenderin qytaılyq konsortsıým jeńip aldy
ASTANA. QazAqparat – Almaty JEO-2-ni kómirden gazǵa aýystyrý tenderin qytaılyq konsortsıým jeńip aldy. Ashyq halyqaralyq tender byltyr qazanda jarııalandy. Ol Eýropalyq qaıta qurý jáne damý bankiniń (EQDB) talaptary boıynsha eki kezeńnen ótkizildi. Bul týraly «Samuryq-Qazyna» qorynyń resmı Telegram-kanaltsna jazylǵan.
«Samuryq-Qazyna» jobany qarjylandyrýǵa qatysady.
Túrli elderdiń kompanııalarynan alty ótinim túsken. Úsh Qytaı kompanııasynyń konsortsıýmdary jeńimpaz boldy: Dongfang Electric International Corporation, Powerchina Sepco1 Electric Power Construction Co., Ltd jáne Powerchina Hebei Electric Power Engineering Co., Ltd.
Birinshisi – iri óndiris jabdyqtaryn shyǵarady, ekinshisiniń ERS jaǵdaıynda jobalardy júzege asyrý tájirıbesi bar, úshinshisi – jobalaýǵa mamandanǵan. EQDB jeńimpazdy bekitti, konkýrs banktyń erejesine sáıkes ótti dep sanalady.
Búgin JEO-2-de qytaılyq EPC konsortsıýmymen shartqa qol qoıý rásimi ótedi.
«Ol barlyq jumystardy oryndaıdy: jobalaý, jabdyqtar jetkizý, qurylys-montajdaý jáne iske qosý jumystary, paıdalanýǵa berý. Sharaǵa «Samuryq-Qazyna» atqarýshy dırektory Ernat Berdiǵulov qatysty», - delingen habarlamada.
