Almaty JEO-2-ni qaıta qurý shyǵaryndylardy 83% tómendetýge múmkindik beredi - Ekologııa mınıstri
ALMATY. QazAqparat - QR ekologııa, geologııa jáne tabıǵı resýrstar mınıstrligi elimizdiń aımaqtarynda jańa Ekologııalyq kodekstiń normalaryn túsindirýdi jalǵastyrýda. Búgin Almaty qalasynyń turǵyndarymen Kodeks normalary boıynsha jumys kezdesýi ótti, dep habarlaıdy atalǵan vedomstvonyń baspasóz qyzmeti.
Ekologııa mınıstri Maǵzum Myrzaǵalıevtiń aıtýynsha, qaladaǵy atmosferalyq aýa sapasy ózekti másele bolyp tabylady.
«Almaty qalasy birneshe jyldan beri respýblıkanyń eń lastanǵan qalalarynyń tizimine engen. Lastaný jylý kózderinen shyǵatyn shyǵaryndylardan týyndaıdy, buǵan JEO-2 jáne 3, jeke turǵyn úıler jáne jol keptelisi jatady. Osy problemalardy sheshý úshin 2020 jylǵy tamyzda Úkimet qalanyń ekologııalyq problemalaryn keshendi túrde sheshýdiń Jol kartasyn bekitti», - dep atap ótti mınıstr.
Sonymen qatar, vedomstvo basshysynyń aıtýynsha, 2019 jyly qala atmosferasyndaǵy jylý kózderiniń úlesi 34% qurady: JEO-2 – 26% (37,8 myń tonna) jáne JEO-3 – 8% (11,7 myń tonna).
Qazirgi ýaqytta «Samuryq-Energo» AQ «Qorshaǵan ortaǵa áserdi barynsha azaıta otyryp, Almaty JEO-2 jańǵyrtý» jobasynyń tehnıkalyq-ekonomıkalyq negizdemesin ázirleý júrgizýde.
«Tabıǵı gazdy qoldanystaǵy qazandyqtarǵa jaǵýǵa arnalǵan JEO-2-di qaıta qurý JEO shyǵaryndylaryn 83% tómendetedi, al kúkirt dıoksıdi jáne kúl shańy sııaqty ýly zattar múldem joǵalady. Almaty oblysynda ornalasqan JEO-3 boıynsha da osyndaı sheshimder qajet, olardyń shyǵaryndylary Almatynyń áýe basseınine 8% - ǵa áser etedi», - dep atap ótti Maǵzum Myrzaǵalıev.
Sonymen qatar, mınıstr Ekologııalyq kodekstiń jańa redaktsııasy aıasynda qorshaǵan ortaǵa áserdi baǵalaýda da, memlekettik ekologııalyq baqylaýdy júzege asyrýda da qoǵamnyń róli edáýir artqanyn habarlady.
«Ekologııalyq kodeksti iske asyrý tutastaı respýblıka úshin jáne ár óńir úshin de asa mańyzdy. Ortalyq jáne jergilikti memlekettik organdar tartylǵan jol kartasyn ýaqtyly ári sapaly iske asyrý Almaty qalasyndaǵy ekologııalyq jaǵdaıdy jaqsartýǵa ákeledi. Osyǵan baılanysty men toqsan saıyn jaýapty memlekettik organdardyń Jol kartasy tarmaqtaryn iske asyrý barysyn qoǵam aldynda tyńdaýdy usynamyn «, - dedi mınıstr.
Maǵzum Myrzaǵalıev sonymen birge jaýapkershilikti jáne qoǵamnyń rólin kúsheıtýmen qatar, kásiporyndarda ekologııalyq qaýipsiz tehnologııalarǵa kóshýden jáne shyǵaryndylardy azaıtýdan basqa tańdaý qalmaıtynyn, bul ekologııalyq ahýaldyń naqty jaqsarýyna ákeletinine de toqtaldy.
