Almaty jataqhanalarynda 32 myń oryn tapshy
Jastar saıasaty basqarmasynyń málimetinshe, Almaty qalasynda 35 joǵary oqý orny bar, onda 197 myńnan astam stýdent bilim alady, onyń 126 myńnan astamy basqa qalalardan kelgen. Búgingi tańda, qalada 98 stýdenttik jataqhana bar, onda 31 myńnan astam stýdent turady. Bul rette, tósek-oryn tapshylyǵy 32 myń.
«Stýdentterdiń jyl saıynǵy tolyqtyrýlaryn eskere otyryp, biz qysqa jáne uzaq merzimdi sıpattaǵy belgili bir júıeli sharalardy daıyndadyq. Stýdenttik jataqhanalardaǵy oryn tapshylyǵyn ońtaıly sheshý úshin oqý jylynyń basynda stýdentterdi ornalastyrý boıynsha kelesideı daıyndyq jumystary júrgizildi. Atap aıtar, bolsaq Almaty qalasy Týrızm basqarmasymen birlesip qonaqúıler men jataqhanalar daıyndaldy. Qonaqúı bıznesiniń nysandary stýdentterdi 10 myń tósek-orynǵa qonystandyrdy, olardyń keıbireýleri keleshekte stýdenttik jataqhanalar retinde jańǵyrtýdy josparlap otyr», – deıdi Almaty qalasy Jastar saıasaty basqarmasynyń basshysy Qaıyrjan Meńdiǵalıev.
Aıtýynsha, Ǵylym jáne joǵary bilim ınıstrligimen birlesip Call-tsentr jumys isteıtin Ahýaldyq ortalyq qurylyp, jumysyn jalǵastyrýda. Máselen, qazirdiń ózinde 4 myńnan astam qońyraý tústi.
Sonymen qatar, joǵary oqý oryndarynda jataqhanaǵa ornalasýǵa arnalǵan onlaın-platforma bar - bul stýdentterge onlaın túrde jataqhanadan oryn alýǵa múmkindik beretin ýnıversıtettiń veb-saıty. Barlyq ýnıversıtetterde stýdentter birigip, páter jaldaı alatyn onlaın chattar quryldy.
«Búgin biz sizdermen birge 170 oryndyq HOUSE OF THE STUDENTS-ke bardyq. Munda áli de bos oryndar bar. Sondaı-aq, Halyqaralyq ınjenerlik-tehnologııalyq ýnıversıteti 118 tósek-oryny bar «Sarbaz» qonaqúıimen birigip jumys isteıdi, bolashaqta bul qonaqúı stýdenttik jataqhana bolyp qaıta qurylýdy josparlap otyr», - Qaıyrjan Meńdiǵalıev.
Sonymen qatar, ol jataqhanalar salý kezinde joǵary oqý oryndary men ınvestorlarǵa qoldaý kórsetý úshin bıyl naýryz aıynda Ǵylym jáne joǵary Bilim mınıstrligimen birlesip jobalyq keńse qurylǵanyn atap ótti.
«Jobalyq keńse iske qosylǵannan beri 107-den astam áleýetti ınvestor ótinim berdi, bul qoldaý tetiginiń tartymdylyǵyn kórsetedi. Jumysta 47 joba bar. Onyń 2 nysany ashyldy. 15 qyrkúıekke deıin taǵy 900 tósek-oryn ashýdy josparlap otyrmyz. Jyl sońyna deıin 3 939 tósek-orynǵa arnalǵan 16 nysandy paıdalanýǵa berý josparlanýda» – dep túsindirdi Almaty qalasy Jastar saıasaty basqarmasynyń basshysy.
Bos jer ýchaskeleriniń jetispeýshiligin eskere otyryp, Almaty úshin qolda bar obektilerdi jataqhanaǵa qaıta jańartý máselesi ózekti bolyp otyr. Búginde qaıta qurý kezinde memleket 8 jyl ishinde bir tósek-orynǵa jyl saıyn 92 AEK shamamen 317 myń teńge bóledi. Úkimet jalpy sýbsıdııalaýdy 184 AEK-ke deıin ulǵaıtý týraly usynysty qoldady. Bul qadam máseleni sheshýdi tezdetedi.
Esterińizge sala keteıik, Ahýaldyq ortalyqtar stýdentterdi JOO-nyń jataqhanalaryndaǵy oryndar týraly habardar etedi, daǵdarystyq ortalyqtar tótenshe jaǵdaılarda turǵyn úımen qamtamasyz etedi. Ahýaldyq ortalyqtyń baılanys nómirleri +7700 255 14 43, +7707 666 00 37.
