Almaty «jasyl» aımaqta: Karantın sharalary jeńildeıdi

ALMATY. QazAqparat – Almaty koronavırýs boıynsha «sary» aımaqtan «jasyl» aımaqqa aýysty. Sáıkesinshe 1 aqpanda karantın sharalary kúsheıtilmeıtin boldy. Bul týraly qalalyq sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov málimdedi, dep habarlaıdy QazAqparat tilshisi.

Sádýaqas Baıǵabylov «Almatynyń «jasyl» aımaqqa kóshýine baılanysty shekteý sharalary qaýlysynyń kúshi joıyla ma?» degen tilshiler suraǵyna jaýap berdi.

«Karantındik shekteý talaptaryn jeńildetý boıynsha túzetýler engiziledi. ıAǵnı, 2021 jylǵy 28 qańtarǵa deıin qoldanylǵan karantındik shekteý talaptaryna qaıta oralamyz», - deıdi departament ókili.

Túzetý engizilgen qujat jaqyn arada jarııalanady.

Eske sala ketsek, 28 qańtarda Almatynyń bas memlekettik-sanıtarlyq dárigeri Jandarbek Bekshın jańa qaýlyǵa qol qoıyp, 1 aqpannan bastap saýda úıleri men saýda jelileri jumysyn saǵat 10:00-den 20:00-ge deıin, al senbi jáne jeksenbi kúnderi jabýdy buıyrǵan edi. Sondaı-aq, 1 aqpannan bastap Almatydaǵy kınoteatrlar jabylýy tıis edi.

Buǵan deıin J. Bekshın Almatydaǵy karantın shekteýleri qandaı jaǵdaıda alynatynyn túsindirgen edi.