«Almaty jastary» turǵyn úı baǵdarlamasyna ótinim qabyldaý bastalady
«Almaty jastary» jeńildetilgen nesıe berý baǵdarlamasy sheńberinde ótinimder men qujattardy qabyldaý 15 – 31 mamyr aralyǵynda júrgiziledi.
Bıyl atalǵan baǵdarlamaǵa jergilikti bıýdjetten 17 mlrd teńge qarastyryldy. Bul ótken jylmen salystyrǵanda 2 mlrd teńgege kóp. Bul somaǵa keminde 1100 adamdy qamtý josparlanǵan.
Qala ákimdigi men Otbasy bankiniń birlesken jobasyna 35 jasqa deıingi/tolǵan almatylyqtar qatysa alady.
Ótinimder Almaty qalasyndaǵy memlekettik respýblıkalyq jáne qalalyq uıymdarda jumys isteıtin azamattardyń kelesi sanattarynan qabyldanady:
- dárigerler men medbıkeler;
- muǵalimder men tárbıeshiler;
- ártister, jazýshylar, sýretshiler, kompozıtorlar, mádenıet salasynyń qyzmetkerleri;
- jattyqtyrýshylar men sportshylar;
- ýnıversıtetter men ǵylymı-zertteý ınstıtýttarynyń oqytýshylary men ǵylymı qyzmetkerleri;
- áleýmettik sala qyzmetkerleri men qalalyq kommýnaldyq qyzmet mamandary;
- quqyq qorǵaý organdarynyń qyzmetkerleri (QR ІІM, TJD, qalalyq prokýratýra, Sybaılas jemqorlyqqa qarsy qyzmet, Ekonomıkalyq tergeý departamenti);
- jýrnalıster men BAQ qyzmetkerleri (memlekettik jáne kommertsııalyq);
Úmitkerlerdiń resmı jumys ótili Almaty qalasynda sońǵy jarty jyldan kem bolmaýy kerek.
Sondaı-aq baǵdarlama qatysýshysy men onyń otbasy músheleriniń atynda keıingi 5 jylda jyljymaıtyn múlik tirkelmegen bolmaýy tıis.
«Almaty jastary» baǵdarlamasynyń sharttary jóninde tolyǵyraq myna jerden bilýge bolady.
