Almaty jastary qoljetimdi baspanaǵa ıe bola alady
ALMATY. QazAqparat - Almatylyq jastar tıimdi sharttardan turatyn jeńildetilgen turǵyn úıge qol jetkize alady, dep habarlaıdy QazAqparat tilshisi.
Qala əkimdigi baspasóz qyzmetinen Almaty qalasynda «2020 jylǵa deıin jastardy qoldaý jol kartasy» aıasynda «Almaty Jastary» turǵyn úı baǵdarlamasynyń ekinshi kezeńi iske qosylǵanyn habarlaıdy. Baǵdarlama 35 jasqa deıingi kez kelgen sanattaǵy almatylyqtarǵa óz páterin satyp alý úshin jeńildikpen nesıe alýǵa múmkindik beredi. "Almaty qalasy turǵyn úı jáne turǵyn úı ınspektsııasy basqarmasy» men «Turǵyn úı qurylys jınaq banki» AQ yntymaqtastyq týraly tıisti kelisimge qol qoıdy.
2018 jyly «Almaty jastary» turǵyn úı baǵdarlamasy boıynsha jergilikti bıýdjetten 2 mlrd. teńge bólindi.
«Almaty Jastary» baǵdarlamasynyń basty ereksheligi paıyzdyq tólemniń tómendiginde, ıaǵnı jobaǵa qatysýshylar jyldyq mólsher 5% bolatyn 10 mln teńgege deıingi jeńildikpen nesıe ala alady. Baǵdarlama boıynsha nesıeni qaıtarý merzimi tólem qabiletine qaraı 3 jyldan 25 jylǵa deıingi aralyqta jeke jasalynady.
Baǵdarlama aıasynda nesıelendirýdiń ashyqtyǵy qamtamasyz etiledi. Nesıe tek bastapqy turǵyn úıdi satyp alýǵa múmkindik beredi, ony baǵdarlama qatysýshysy óz betinshe tańdaıdy", - dedi əkimdik baspasóz qyzmetinen.
Sondaı-aq, 2018 jyly baǵdarlamaǵa birqatar jańartýlar engizilgen. Birinshi balaǵa 10 ball, al árbir kelesi balaǵa 20 baldan esepteledi. Baldyq júıede habarlandyrý shyqqannan bastap nekede 1 jyl turǵan jas jubaılarǵa 30 ball bólý qarastyrylǵan.
Aǵymdaǵy jyly shildeniń 9-y men 20-sy aralyǵynda baǵdarlama aıasynda ótinishter men qujattardy qabyldaý júzege asyrylady. Baǵdarlamaǵa qatysý týraly ótinish www.almaty-zhastary.kz arnaıy portaly arqyly qabyldanady.
«Almaty Jastary» baǵdarlamasy týraly tolyq málimetti www.almaty-zhastary.kz saıtynan, Almaty qalasynyń Turǵyn úı jáne turǵyn úı ınspektsııasy basqarmasy (www.uzh-almaty.kz) jáne «Qazaqstannyń Turǵyn úı qurylys jınaq banki» AQ (www.hcsbk.kz) telefondary: 300 nemese 8-8000-801-880 (qońyraý shalý tegin), +7 (727) 380 05 23 arqyly bilýge bolady.
