«Almaty jastary» boıynsha baspanaǵa taǵy 526 adamǵa joldama berildi
«Almaty jastary 3.0» baǵdarlamasy boıynsha jyl basynan beri tólem qabilettiligin rastaý úshin 1035 adam joldama aldy. Qalada tirkeý talaby joıylǵannan keıin taǵy 526 adamǵa joldama berildi. Taǵy 457-si rezervke endi. Jumys isteıtin jastarǵa 5 paıyzdyq nesıeniń berilýi — baspanaly bolýdyń eń tıimdi múmkindigi», - dep atap ótken qala ákimi.
Baǵdarlamanyń birinshi kezeńinde 3220 ótinim túsken. Olardyń ishinen komıssııa 1035 adamnyń ótinimin maquldady.
Budan keıin qala ákimdigi baıqaýdyń sharttaryn ózgertken bolatyn. Atap aıtqanda, qalada tirkelý sharty alynyp tastaldy. Odan keıin qaladaǵy jumys isteıtin jastarǵa 5471 ótinim berildi.
Nátıjesinde 2527 ótinim qaıtarylyp, bilim salasynyń qyzmetkerlerinen 1964 ótinish qaralyp jatyr.
Baǵdarlama talaptaryna saı keletin 980 úmitkerden 587 adam – densaýlyq saqtaý salasynda, mádenıet salasynda – 1212, sport salasynda – 23, ǵylym salasynda, JOO-larda – 170, BAQ salasynda – 56, áleýmettik salada 32 adam jumys isteıtini belgili boldy.
Qabyldanbaǵan ótinishterdiń basym bóligi jumys oryndary nemese qyzmetteriniń baǵdarlama talaptaryna saı kelmeýi saldarynan keri qaıtaryldy. ıAǵnı, 36 ótinish berýshiniń jeke baspanasy bar ekeni, 46 adamnyń óz baspanasynan bas tartqany anyqtaldy, 152 adamda zeınetkerlik tólem bolmaǵan, 77 adamnyń ótinishteri joǵaryda atalǵan sebepterge qatysty keri qaıtarylǵan, al 23 adam alǵashqy qabyldaý kezindegi nesıelik ótinishterin usynǵan.
Eske salsaq, qala ákimi Baqytjan Saǵyntaevtyń sheshimi boıynsha baǵdarlamaǵa qatysýshy men onyń otbasy músheleriniń Almatyda turaqty tirkeýde bolýy talaby alynyp tastalǵan edi. Osyǵan oraı, bıyl 22 maýsym - 6 shilde aralyǵynda ótinishterdi qabyldaý qaıta júrgizilgen bolatyn.
Ótinishter men qujattardy qabyldaý elektrondyq qoltańba arqyly www.almaty-zhastary.kz saıtynda iske asady. Jınaqtalǵan baldardy avtomatty túrde esepteý úshin elektrondy kalkýlıator engizilgen. Budan ózge, saıttaǵy jeke kabınet arqyly berilgen ótinishtiń deńgeıin jeke kórýge de bolady. Turǵyn zaemdarynyń ashyq ári adal bólinýin qamtamasyz etý úshin baǵdarlamaǵa qatysýshylardyń tolyq tizimi saıtta jarııalanǵan.
13 mıllıonǵa deıingi jeńildetilgen ıpotekalyq nesıe jyldyq 5% mólsherlememen «Turǵynúıqurylysjınaq banki» AQ arqyly beriledi. Tólem qabiletin oıdaǵydaı rastaǵan qatysýshylar 60 kún ishinde birinshi jáne ekinshi naryqta turǵyn úıdi jeke ózderi tańdaı alady.
