«Almaty jastary» baǵdarlamasyna ótinishter qabyldana bastady
Bul baǵdarlamaǵa jasy 35-ke tolmaǵan jastar qatysa alady. Otbasynda tek bir adamnyń ótinishi qabyldanady. Ótinish berýshiniń kúıeýiniń nemese áıeliniń jas ereksheligi eskerilmeıdi. Sondaı-aq, otbasynyń sońǵy bes jylda baspanasy bolmaýy tıis jáne jyljymaıtyn múlikke murager bolmaýy kerek.
«Almaty jastary» baǵdarlamasyna qatysýshylardyń sońǵy 6 aıdaǵy zeınetaqy jarnasy bolýy nemese eń az degende jarty jyl Almatyda jeke kásipker retinde tirkelýi kerek. «Almaty jastary» turǵyn úı baǵdarlamasyna Almatydaǵy densaýlyq saqtaý, bilim, mádenıet jáne sport, JOO men ǴZI, BAQ, quqyq qorǵaý organdary men áleýmettik salada eńbek etetinder qatysa alady.
Atalǵan baǵdarlama aıasynda bıyl 1000 páter beriledi. Sondaı-aq, nesıelendirý kólemi 13 mıllıonnan 18 mıllıonǵa artty.
Baspanaǵa úmitkerlerdiń ótinishi 10-31 naýryz aralyǵynda qabyldanady. Bul úshin ETsQ bolýy shart. Turǵyn úı basqarmasy ótinish berýshiniń qujattaryn muqııat tekserip, jınaǵan upaı mólsherine qaraı qatysýshylardy anyqtaıdy. Upaı sany otbasynyń nekede bolǵan jyldary, bala sany, jumys istegen jyldaryna qatysty beriledi.
Ótinish berýshi 15 jumys kúni ishinde «Otbasy bankinde» óziniń tólem tóleı alatynyn dáleldeý kerek. Sondaı-aq, 45 kúnde alatyn baspanasyn taýyp, onyń baǵasyn anyqtaǵan qujatpen bankke qaıta keledi. Baǵdarlamaǵa qatysýshyǵa taǵy on kún ýaqyt satý-satyp alý qujattaryn rásimdeýge beriledi. Páterdi birinshi deńgeıli, ekinshi deńgeıli bankter jáne «Qazaqstan turǵyn úı kompanııasy» AQ nysandarynan kepildeme arqyly alýǵa bolady.
Alǵashqy jarna— 10%, paıyzdyq úles — 5%. Nesıeniń eń úlken somasy 18 mln teńge (eger baspana 18 mln-nan qymbat bolsa ótinish berýshi qalǵan somany ózi shyǵarady)
Máselen, 10 mln teńgelik páter satyp alǵan jaǵdaıda nesıelik tólem turǵyn úı qurylys jınaq júıesimen eskere otyryp, alǵashqy 8 jylda 83 333 teńge, al qalǵan 11 jylda tólem kólemi azaıyp, 46 000 teńgeni quraıdy.
