«Almaty jastary» baǵdarlamasyna qujat qabyldaý bastalady
«15-31 mamyr aralyǵynda Almatynyń 35 jasqa deıingi jáne osy jasqa tolǵandardan «Almaty jastary» qalalyq baǵdarlamasy boıynsha turǵyn úı satyp alý úshin jeńildetilgen turǵyn úı zaımdaryn alýǵa ótinishter men qujattardy qabyldaý bastalady»,- dep habarlady qalalyq ákimdikten.
Baǵdarlamaǵa qatysý úshin ótinishti www.almaty-zhastary.kz saıty arqyly tapsyrýǵa bolady. Saıtta avtorızatsııalaý elektrondyq tsıfrlik qoltańba (ETsQ) arqyly júrgiziledi.
Eske salsaq, Almaty qalasynyń ákimi Erbolat Dosaevtyń tapsyrmasy boıynsha jas muǵalimder men dárigerler úshin baǵdarlama aıasynda qosymsha qarjy bólindi jáne lımıt 100 zaımǵa ulǵaıtyldy: muǵalimder úshin – 50, dárigerler úshin – 50.
Buǵan deıin bıyl «Almaty jastary» baǵdarlamasy boıynsha 1100 páter beriletini týraly jazaǵan bolatynbyz.
Baǵdarlama sharttaryna kelsek, bastapqy jarna – 10 paıyz, mólsherleme – 5 paıyz, nesıe somasy byltyrǵydaı 18 mln teńgege deıin.
Qatysý úshin negizgi talaptar:
- Qatysýshynyń jasy 35 jasqa deıin (35 jasqa tolǵandardy qosa alǵanda), ótinish berý kezinde, jubaıynyń (zaıybynyń) jasyna qaramastan (bar bolsa) baǵdarlamaǵa negizgi qatysýshy retinde erli-zaıyptylardyń bireýi ǵana qatysa alady;
- Úmitkerde jáne onyń otbasy múshelerinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda sońǵy 5 jyl ishinde turǵyn úı jaǵdaıynyń ádeıi nasharlaýy faktileriniń bolmaýy.
- Qatysýshynyń Almaty qalasynda kelesi sanattar boıynsha mindetti zeınetaqy aýdarymdarymen kem degende sońǵy 6 aı ishinde resmı jumys ótiliniń bolýy: densaýlyq saqtaý, bilim berý, mádenıet, sport, JOO-lar jáne ǴZI, jýrnalıster, áleýmettik sala, quqyq qorǵaý organdary jáne qalalyq kommýnaldyq qyzmetteri.
Eske salaıyq, 2022 jyly «Almaty jastary» turǵyn úı baǵdarlamasy aıasynda myń adamǵa ıpotekalyq nesıe berý úshin 18 mlrd teńge bólingen bolatyn.
Aıta keteıik, «Almaty jastary» baǵdarlamasyna qatysý úshin qalada turaqty tirkelý mindetti emes.
