«Almaty jastary» baǵdarlamasy boıynsha muǵalimder men dárigerlerge arnaıy kvota engiziledi

ALMATY. QazAqparat- Jas muǵalimder men dárigerler úshin «Almaty jastary» ıpotekalyq baǵdarlamasy boıynsha arnaıy kvota engiziledi. Bul týraly Almaty pedagogteriniń tamyz forýmynda qala ákimi Erbolat Dosaev aıtty, dep habarlaıdy QazAqparat tilshisi.

Forým barysynda muǵalimderdi qoldaý jáne pedagog mártebesin arttyrýǵa arnalǵan baǵdarlamalar sóz boldy.

«Bizde «Almaty jastary» qalalyq baǵdarlamasy bar. Jyl saıyn 1000 adamnyń turǵyn úı satyp alý úshin arnaıy qarjylyq jaǵdaı jasaımyz. Baǵdarlama keń tanylǵan, buǵan jyl saıyn kóptegen úmitker qatysady. Sol sebepti men áriptesterimmen aqyldasyp, kelesi jyldan bastap jas muǵalimder men dárigerler úshin arnaıy kvota engizetinimizdi málimdeımin. 1000 adamǵa taǵy 100 kvota qosylady: 50-i jas muǵalimderge, 50-i jas dárigerlerle», - dedi qala ákimi.

Buǵan qosa, ákim qarjylyq múmkindik bolǵan kezde mamandyq pen jas muǵalimderdiń damýy úshin qosymsha is-sharalar qabyldaýǵa jáne baǵdarlamany keńeıtýge ýáde berdi.

Eske salaıyq, «Almaty jastary 3.0» turǵyn úı baǵdarlamasy tómen paıyzdyq mólsherlememen 2020 jyly bastalǵan bolatyn.

Oǵan 35 jasqa deıingi almatylyqtar qatysa alady.