«Almaty Jastary» baǵdarlamasy boıynsha 900 ótinim maquldandy
Ol «Almaty jastary» turǵyn úı baǵdarlamasyn júzege asyrý týraly eske saldy. Baǵdarlamanyń arqasynda alǵashqy nemese qaıtalama naryqta tıimdi 5%-ben, 10 paıyzdyq bastapqy jarnamen páter satyp alýǵa bolady. Nesıeniń maksımaldy somasy – 18 mln teńge. Nesıeleý merzimi – 6 aıdan 25 jylǵa deıin»,- deıdi spıker.
Baǵdarlamaǵa 35 jasqa deıingi jastar kiredi. Olar medıtsına qyzmetkerleri, muǵalimder, JOO men ǴZI oqytýshylary men ǵylymı qyzmetkerleri, mádenıet jáne sport salasynyń mamandary, jýrnalıster, jazýshylar, Halyqty áleýmettik qorǵaý jáne quqyq qorǵaý organdarynyń qyzmetkerleri.
Ótinimdi https://almaty-jastary.info saıtynda berýge bolady.
«Bul baǵdarlamaǵa Almaty qalasynyń ákimi Baqytjan Saǵyntaev bastamashy boldy. Bıyl «Almaty jastary» baǵdarlamasy arqasynda Otbasy banki arqyly 900 páter maquldandy. Jyl sońyna deıin bul kórsetkishti myńǵa jetkizýdi josparlap otyrmyz», - dedi Ermek Ámirov.
Spıkerdiń sózinshe, baǵdarlama úlken suranysqa ıe, sondyqtan ony iske asyrý 2022 jyly da jalǵasatyn bolady.
