Almaty jasaqtalǵan qazaqtyń 100-jeke atqyshtar brıgadasynyń qurylǵanyna 70 jyl toldy
«Nur Otan» HDP-nyń Almaty qalalyq fılıaly tóraǵasynyń 1-orynbasary Mahambet Beıdáliulynyń aıtýynsha, 70 jyl buryn Almatyda jasaqtalǵan 100-qazaqtyń jeke atqyshtar brıgadasy erliktiń úlken úlgisin kórsetti. Uly Jeńisti jaqyndatýǵa zor úles qosqan maıdangerlerdiń qaharmandyǵyn jas urpaq eshqashan umytpaıdy. Beıbit ómirdi ornatyp, táýelsizdikti jaqyndatqan soǵys jáne eńbek ardagerleriniń dańqty joly jastarǵa árdaıym úlgi-ónege bola alady.
«100-brıgada erikti qazaq jastarynyń negizinde 1941 jyly jeltoqsannyń aıaq sheninde quryldy. Burynǵy fılarmonııa ǵımaratynda 6 aıda jasaqtaldyq. Deni aýyldan kelgen qazaq jastarynyń kópshiligi orys tilin bilmedi. Odan keıin Máskeý túbindegi shaǵyn qalalardyń birinde taǵy 3 aı oqytyp, soǵysqa jeltoqsanda Babýshkıno qalasynan Rjev maıdanyna deıin jaıaý bardyq. Onda biz maıdangerlerimizdiń 80 paıyzyna jýyǵynan aıryldyq», - deıdi QazKSR Mınıstrler Keńesiniń tóraǵasynyń orynbasary, soǵys jáne eńbek ardageri, kórnekti memleket jáne qoǵam qaıratkeri Sultan Jıenbaev. S. Súleımenulynyń aıtýynsha, qazir Almatyda 100-qazaqtyń jeke atqytshtar brıgadasynyń quramynda bolǵan ardagerlerden 9 adam ǵana qaldy. Olardyń óz aıaǵymen júrip-turýǵa shamasy barlarynyń bári búgin qarýlas dostarynyń arýaǵyna taǵzym etý úshin bul sharaǵa arnaıy kelip otyr.
