Almaty jármeńkelerinde qoljetimdi baǵada qant satyp alýǵa bolady
ALMATY. QazAqparat - Almatyda demalys kúnderi ótetin jármeńkege qosymsha qant jetkizildi. Osyǵan oraı BAQ ókilderine baspasóz týry uıymdastyryldy, dep habarlaıdy QazAqparat tilshisi.
Almaty qalalyq Kásipkerlik jáne ınvestıtsııa basqarmasy bastyǵynyń orynbasary Erlan Omarovtyń aıtýynsha, ákimdiktiń jármeńkelerge qosymsha qant jetkizý pılottyq jobasy 16 shildede bastaldy.
«Halyqty qantpen qamtamasyz etý úshin shuǵyl sharalar qoldanyp jatyrmyz. ıAǵnı, úı janyndaǵy dúkender men jármeńkelerge qant jetkizýdemiz. Jármeńkede kóterme baǵasy kelisine 500 teńgeden bolsa, bólshek saýdada kelisi 530 teńge. Áleýmettik dúkenderde qanttyń kóterme baǵasy 500 teńgeden satylady. Dúkender qantty 15%-dan aspaıtyn ústeme baǵamen satýǵa mindetteledi»,- deıdi ol.
Spıkerdiń sózinshe, ótken aptadaǵy jármeńkede 7,5 tonna qant satylǵan.
«23-24 shildede qant qalalyq bes jármeńkede satylady. Jalpy shilde aıynda jármeńkeler men dúkenderge 100 tonna qant jetkizý josparlanyp otyr. Kóterme jetkizýshilermen kelisimshartqa otyrýdyń arqasynda osyndaı shara uıymdastyrýǵa múmkindik týdy»,- deıdi Basqarma ókili.
BAQ ókilderine uıymdastyrylǵan baspasóz týry barysynda jýrnalıster qant saqtalǵan shaǵyn qoımalar men jármenkelerdi aralap kórdi.
Jármeńke Medeý, Almaly, Bostandyq, Túrksib, Áýezov aýdandarynda uıymdastyrylǵan. Qalǵan úsh aýdan turǵyndarynan suranys túspegendikten aýyl sharýashylyǵy jármeńkesi ótpeıdi.
Aıta keteıik, bir adamǵa bes keli qanttan artyq satylmaıdy.
