Almaty jappaı vaktsınatsııaǵa daıyn – Narıman Tabynbaev

ALMATY. QazAqparat - Almaty koronavırýs ınfektsııasyna qarsy jappaı vaktsınatsııalaýǵa daıyn. Bul týraly onlaın brıfıng barysynda qalalyq qoǵamdyq densaýlyq saqtaý basqarmasynyń bastyǵy Narıman Tabynbaev aıtty, dep habarlaıdy QazAqparat tilshisi.

«Búgingi kúni Almaty qalasy tórt transhpen 50 000 vaktsına aldy. Biz sońǵy transhty 1 jáne 2 sáýir kúni 34 900 doza mólsherinde aldyq. 2,5 kún ishinde 17 myńnan astam turǵynǵa vaktsına egip úlgerdik. Vaktsınatsııa protsesi búgin de jalǵasýda», - dedi spıker.

Sonymen qatar, ol vaktsınatsııa kólemi jetkizilgen vaktsına sanymen anyqtalatynyn aıtty.

Vaktsınatsııanyń eki kúnine taldaý jasaldy.

Nátıjıesinde, qalanyń medıtsınalyq mekemeleri táýligine 9-nan 11 myń adamǵa ekpe jasaı alady.

«Eger bizdiń iri saýda oryndarymyz osy sharaǵa qatysatyn bolsa, jappaı vaktsınalaý múmkindigi artady. Qala, negizinen, jappaı vaktsınatsııaǵa daıyn», - dedi Narıman Tabynbaev.