Almaty jáne Jetisý oblystarynyń shekaralary jóninde Qaýly shyqty
ASTANA. QazAqparat - Almaty oblysynyń shekarasyn ózgertý jáne Jetisý oblysynyń shekarasyn belgileý týraly QR Premer-Mınıstriniń Qaýlysy shyqty, dep habarlaıdy QazAqparat primeminister.kz saıtyna silteme jasap.
Qaýlyǵa sáıkes, Almaty oblysynyń shekarasy onyń aýmaǵynan Jetisý oblysynyń 11848,3 myń gektar jerin shyǵarý jolymen ózgertiledi.
Sondaı-aq osy qujatpen Jetisý oblysynyń shekarasy belgilenetin bolady.
Tıisti sharalardy qabyldaý eki oblystyń ákimdikterine júkteldi.
Qaýly alǵashqy resmı jarııalanǵan kúninen bastap qoldanysqa engiziledi.
