Almaty jáne Jambyl oblystaryndaǵy joldarda polıtsııa kóliginiń maketteri ornatyldy
NUR-SULTAN. QazAqparat - «QazAvtoJol» UK» AQ Almaty jáne Jambyl oblystyq polıtsııa Departamentiniń ákimshilik polıtsııa basqarmasymen birlesip qaýipti aımaqtar jáne jóndeý jumystary júrip jatqan jol ýchaskelerinde «jol-patrýldik polıtsııa» kóliginiń maketterin ornatty.
Bul týraly QazAqparat «QazAvtoJol» kompanııasyna silteme jasap habarlaıdy.
Bul is-shara respýblıkalyq mańyzy bar avtojoldardaǵy qaýipsizdikti qamtamasyz etý jáne ruqsat etilgen qozǵalys jyldamdyǵyn asyrmaý úshin uıymdastyrylýda.
Qazirgi tańda Almaty oblysy boıynsha 5 maket, al Jambyl oblysynda 4 maket jol jıegine qoıylǵan. Aldaǵy ýaqytta mundaı maketterdi elimizdegi barlyq respýblıkalyq mańyzy bar avtojoldardyń boıynda ornatý josparlanǵan.
