Almaty jáne Jambyl oblystary ózara yntymaqtastyqty damytýda
TALDYQORǴAN. QazAqparat - Búgin Jetisý jerine Jambyl oblysynyń ákimi bastaǵan bir top delegatsııa keldi. Birinshi kezekte jambyldyqtar Kóksý aýdanyndaǵy «Alım-Taıar» sharýa qojalyǵynyń qant qyzylshasy alqabyna at basyn burdy, dep habarlaıdy QazAqparat tilshisi.
Bul sharýa qojalyǵy qant qyzylshasy, pııaz, maıburshaq jáne baqshalyq kókónisterdi ósirýmen aınalysady. Bıyl egilgen tátti túbirdiń ár gektarynan ortasha eseppen 600 tsentnerden, jalpy salmaǵy 3600 tonna qant qyzylshasyn jınaýdy kózdeýde. Delegatsııa músheleri Kóksý qant zaýytynyń jumysymen de tanysty. Qazir bul jerde quny 1 mlrd. teńgege Kóksý qant zaýytyn modernızatsııalaýdyń ekinshi kezeńin júrgizip jatyr. Almaty oblysynyń ákimi Amandyq Batalov ótken jyly zaýyttyń 220 myń tonna qant qyzylshasyn qabyldap, odan 22 myń tonna taza qant óndirgendigin jáne bıyldan bastap oblysta Aqsý qant zaýytyn qalpyna keltirý jumystary joǵary qarqynmen júrgizilip jatqandyǵyn atap ótti.
«Elbasynyń Jetisý ólkesine qant qyzylshasynyń ósirýshi óńir ataǵyn qaıta jańǵyrtý týraly tapsyrmasyn iske asyrý maqsatynda oblysta keshendi jumystar atqaryldy. Qazirgi kúni tuqym men tyńaıtqyshtardy satyp alýdan bastap, shyqqan ónimdi óńdeýge jiberýge deıingi barlyq máseleler jan-jaqty taldanyp, bir júıege keltirildi. Qazir biz keleshekke jumys isteýdemiz. ıAǵnı Aqsý qant zaýytyn iske qosqaly jatyrmyz. Keleshekte Alakól aýdanynda oblysymyz boıynsha úshinshi qant zaýytyn iske qosý josparymyzda bar. Bunyń barlyǵy sharýalarǵa jaıly jaǵdaı týyndatatyndyǵy belgili, onyń ústine jyl saıyn tátti túbir óndirýshilerdiń sany artyp keledi. Eger bas kezinde bul kásippen 120 sharýa qojalyǵy aınalysqan bolsa, qazirgi kúni olardyń sany 250-ge jetti», - dedi A.Batalov.
Sondaı-aq áleýmettik, mádenı jáne ónerkásiptik nysandar da delegatsııanyń nazarynan tys qalmady. Atap aıtar bolsaq, qaladaǵy Oqýshylar saraıy, Jastarǵa qyzmet kórsetý ortalyǵy, «Jastar» parki, Qaratal ózeniniń jaǵalaýy, qaladaǵy ortalyq basseınimen tanysty. Qalanyń Ońtústik-batysynda oryn tepken «Taldyqorǵan» ındýstraldy aımaǵy da qonaqtardyń erekshe yqylasyna bólendi. Bolashaqta bul aımaq qalanyń iri ónerkásiptik alańy bolmaq.
«Taldyqorǵan zamanaýı ári óte ádemi qala! Qalaǵa kire beristen bastap árbir ǵımarat, árbir nysan shynaıy peıilmen, jan dúnıesin sala otyryp oryndalǵan. Usaq tetikterine deıin egjeı-tegjeı qarastyrylǵan. Bul ásirese qalanyń kóshelerinde ornatylǵan zamanaýı elektr qýatyn únemdeıtin jaryqdıodty kóshe shamdarynan, qalanyń kógaldandyrylýynan erekshe baıqalady. Qalanyń kóshelerine sapaly jol tósemderi jaıylǵandyǵy bári kózge birden túsedi. Paıdalanýǵa berilip jatqan árbir nysan turǵyndardyń jaıly ómir súrýine yńǵaılastyrylyp, uzaq jyldarǵa sapaly salynǵandyǵy qýantady. Qala turǵyndarynyń atqarylyp jatqan iske kóńilderi tolady degen senimdemin. Qaratal ózeniniń jaǵalaýyn abattandyrý jáne «Jastar» parkiniń jobasy bizdi qatty qyzyqtyrdy. Úlgi retinde almaq oıymyz bar. Osy tıptegi jaǵalaýdy Taraz qalasyndaǵy Talas ózeniniń boıynda da salmaq oıdamyz», - dedi Jambyl oblysynyń ákimi.
Osydan keıin oblystyq ákimdiktiń májilis zalynda aldaǵy ýaqyttaǵy qos oblystyń yntymaqtastyq máseleleri talqylandy. Almaty oblysynyń ákimi óńirdiń ekonomıkalyq damý kórsetkishterin atap ótti.
«Memleket basshysy Nursultan Ábishuly Nazarbaevtyń bergen mańyzdy tapsyrmalarynyń biri óńiraralyq yntymaqtastyqty damytý bolyp tabylady. Jambyl oblysy - óndiristik óńir, al Almaty oblysy - agrarlyq óńir. Sol sebepti ár oblysqa bir-birimizden alarymyz da, úırenerimiz de mol. Bul áriptestigimiz aldaǵy ýaqytta eki oblystyń barlyq salalar boıynsha damýyna óziniń úlken septigin tıgizetindigine senimdimin», - dep atap ótti Amandyq Ǵabbasuly.
Óz tarapynan Jambyl oblysynyń ákimi Kárim Kókirekbaev ta oblystyń ekonomıkalyq damý áleýetimen tanystyryp, Jetisý jerine jasaǵan jumys saparynyń nátıjeli bolǵandyǵyn, bul kezdesýdiń oblystardyń damýyna, sonyń ishinde qant qyzylshasy salasyn damytýda oń yqpalyn tıgizetindigine senim bildirdi. Kezdesý sońynda qos tarapqa da tıimdi damý josparlaryn ekijaqty yntymaqtastyq memorandýmymen bekitti. Oblystar saýda-ekonomıkalyq, ǵylymı-tehnıkalyq, gýmanıtarlyq jáne ózge de salalar boıynsha ózara yntymaqtastyǵyn ári qaraı damytatyn bolady.
