Almaty jáne Túrkistan oblysynyń mamandary týrızm salasyn damytýda tájirıbe almasady
Osy maqsatta Almaty jáne Almaty oblysynyń tájirıbeli mamandary Túrkistanǵa kelip, qazirgi naryqtyń joǵarǵy suranysyna ıe kásipterdi damytpaq.
«Biz Almaty qalasynan keldik. Pandemııa kezinde ashylǵan bolatynbyz. Medıtsınalyq maskalar tiktik. Endi kıeli Túrkistanda óz bıznesimizdi ashsaq degen josparymyz bar. Túrkistan týrıstik aımaq bolǵandyqtan kelýshi saıahatshylar óte kóp. Sol sebepti ulttyq salt-dástúrimizdi aıqyndaıtyn shapandardy usynamyz. Qyzdarǵa, analarǵa qazaqtyń oıýymen órnektelgen keremet shapandardy mysaly Kerýen saraı ortalyǵynda dúken ashyp saýdalasaq, óńirdiń bıýdjetine tabys túsiremiz degen oıdamyz»,- dedi BYQAZAQ ortalyǵynyń dızaıneri Merýet Jeksebaeva.
Sondaı-aq Almaty oblysynyń týrızm salasyn talaı jyl basqarǵan, qazirgi tańda óńirdiń týrızm salasyn damytýda jumys istep júrgen Janar Alshymbaeva forýmda arnaıy spıker retinde qatysyp, tájirıbesimen tanystyrdy.
«Týrızmge baǵyttalǵan túrli baǵyt boıynsha bıznes ıdeıalarymyzdy usynýdamyz. Onyń ishinde glempıng, kempıng termaldy sýlardy emdik túrde qabyldaý, safarıdy damytý syndy ıdeıalar da bar. Mysaly, glempıng qazir damyp keledi. Túrli dızaınde shatyrlardy quryp, demalýshylarǵa vızıt ortalyq ashý. Eń bastysy ınvestorlar tabylsa boldy. Bizdiń mamandar ony qalaı damytyp, qalaı jasaý boıynsha baǵyt-baǵdaryn kórsetedi. Bul jıynǵa Almaty oblysyndaǵy Uıǵyr aýdanynda ystyq sý ortalyqtaryn ashyp otyrǵan kásipkerler de kelip, olar sol jaqtaǵy bıznesterin osy Túrkistanda da ashýdy josparlap otyr. Ol jaǵy qanshalyqty tıimdi bolady. Sol úshin mamandarmen tájirıbe almasýda»,- dedi Janar Alshymbaeva.
Aıta keteıik, jalpy kıeli meken Túrkistanda sońǵy jylda týrızm salasy qarqyndy damýda.
Túrkistan oblystyq týrızm basqarmasynyń málimetinshe, 2020-2022 jyldary Túrkistan oblysyndaǵy týrızmge baǵyttalǵan ınvestıtsııanyń qarajaty 281 mlrd teńgege jetken.
Al jalpy óńirge byltyr 368 myńǵa jýyq týrıst kelgen. Jalpy elimizde úkimettiń qoldaýymen týzımdi qarqyndy damytýǵa baǵyttalǵan jerler bar. Onyń ishinde Jetisý oblysyndaǵy Alakól, taý klasteri, Býrabaı-Şýchınsk kýrorttyq aımaǵy jáne Túrkistan eldi-mekeni de bar.
