Almaty jáne Shyǵys Qazaqstan oblystarynyń aýmaǵynda qardyń mol túsýinen kúrdeli jaǵdaı oryn alyp otyr - V.Bojko
ASTANA 19 aqpan. QazAqparat - Almaty jáne Shyǵys Qazaqstan oblystarynyń aýmaǵynda qardyń mol túsýinen kúrdeli jaǵdaı oryn alyp otyr.
Bul týraly búgin selektorlyq tártiptegi Úkimet otyrysynda QR Tótenshe jaǵdaılar mınıstri Vladımır Bojko málim etti.
«Aqmola, Qostanaı, Qaraǵandy oblystarynda qardyń qory 20-50 paıyzǵa kópjyldyq orta mólsherden joǵary. Almaty jáne Shyǵys Qazaqstan oblystarynyń taýly jáne keıbir jazyq aýdandarynda kúrdeli jaǵdaı oryn alyp otyr. Bul jerlerde qardyń qory 1,5 jyldyq normany quraıdy. Qardyń aıtarlyqtaı qalyń túsýine baılanysty Óskemen qalasynda tótenshe jaǵdaı jarııalandy», - dep atap ótti vedomstvo basshysy.
Onyń sózine qaraǵanda, Qorshaǵan ortany qorǵaý mınıstrligi ózender aǵysy boıynsha Kóksý, Lepsi (Almaty oblysy) jáne Buqtyrma, Oba (ShQO), Tobyl, Torǵaı (Qostanaı oblysy), Nura, Shaǵalaly (Aqmola oblysy), Keńgir, Sherýbaı-Nura, Sarysý (Qaraǵandy oblysy) ózenderi alabynda qardyń erýinen sý deńgeıiniń kóterilýi týraly boljam jasaldy.
«Ótken jylǵy tasqynnyń týyndaý sebepteri men jaǵdaıyna jasalǵan zertteý kórsetkendeı, qar qory men aýa raıynyń kúrt ózgerisi ǵana emes, sonymen qatar qatyp jatqan jerdegi erimegen qarǵa jyly jańbyrdyń jaýýy basty faktor bolyp tabylady», -dep túıdi V.Bojko.
