Almaty jáne Shyǵys Qazaqstan oblystaryndaǵy respýblıkalyq joldarda kólik qozǵalysy shekteldi
ASTANA. 21 qańtar. QazAqparat - Aýa raıynyń qolaısyzdyǵyna baılanysty búgin eldiń birqatar respýblıkalyq joldarynda kólik qozǵalysy shekteldi.
Bul týraly búgin «Qazaqavtojol» RMK-nyń baspasóz qyzmetinen habarlandy.
Atap aıtqanda, Almaty oblysynda boranǵa baılanysty saǵat 10.30-dan bastap «Úsharal-Dostyq» avtojolynyń 0-184 shaqyrymynda barlyq avtokólikter úshin jol jabyldy.
Budan bólek, Shyǵys Qazaqstan oblysy boıynsha saǵat 10.00-den beri «Óskemen-Zyrıan-Rahman bulaqtary» jolynyń 6-166 shaqyrymyndaǵy «Ýshanov aýyly-Zyrıan qalasy» aralyǵynda kólik qozǵalysy shekteldi.
Sonymen qatar saǵat 10.30-dan bastap «Óskemen-Shemonaıha-RF shekarasy» jolynyń 54-123 shaqyrymyndaǵy «Pervomaıka aýyly-RF shekarasy» ýchaskesinde barlyq kólikter úshin jolǵa shyǵýǵa tyıym salyndy.
