Almaty jáne Shyǵys Qazaqstan oblystaryndaǵy birqatar jol jabyldy
NUR-SULTAN. QazAqparat - Almaty jáne Shyǵys Qazaqstan oblystaryndaǵy qatty borannyń saldarynan respýblıkalyq jáne oblystyq birqatar jol jabyldy, dep habarlaıdy QazAqparat QR IIDM baspasóz qyzmetine silteme jasap.
22 qańtarda saǵat 16.50-de Almaty oblysynda aýa raıynyń buzylýyna baılanysty (boran, jolda kórýdiń nasharlaýy) «Úsharal-Dostyq» avtojolynyń 0-184 shaqyrymynda Úsharal - Dostyq stansasy aralyǵynda («Avtodor NS»ABK rekonstrýktsııalaý ýchaskesi) avtokóliktiń barlyq túriniń qozǵalysy shekteldi.
Saǵat 16.30-da «Almaty-Óskemen» avtojolynyń 70-287 shaqyrymynda Qapshaǵaı -Taldyqorǵan qalalary arasyndaǵy ýchaskede júk jáne qoǵamdyq avtokólikterge, sondaı-aq «Almaty-Óskemen» avtojolynda Taldyqorǵan qalasy - ShQO oblysynyń shekarasy aralyǵynda joldyń 287-615 shaqyrymynda barlyq avtokólik júrisine tyıym salyndy.
Saǵat 16.50-de «Almaty-Óskemen» avtojolynyń 615-683 shaqyrymynda Almaty oblysy - Taskesken aýylynyń burylysyna deıin barlyq kóliktiń qozǵalysy shekteldi.
Saǵat 17.00-de «Almaty-Kókpek-Kóktal-Qorǵas» avtojolynyń 126-230 shaqyrymynda Baıseıit-Shonjy aýyldary aralyǵynda barlyq kólik túri úshin qozǵalys shekteldi.
Saǵat 19.00-de «Almaty-Shelek-Qorǵas» tas jolynyń 136-243 shaqyrymynda Baıseıit-Shonjy aýyldary aralyǵyndaǵy ýchaskede barlyq avtokólik túrleriniń qozǵalysy shekteldi (bul «QazAvtoJol» UK « AQ Aqyly joldar dırektsııasyna qarasty ýchaske).
Saǵat 19.30-da «Kegen-Narynqol» avtojolynyń Kegen - Narynqol ýchaskesinde 0-89 shaqyrymy aralyǵy barlyq avtokólikter úshin jabyldy.
22 qańtarda saǵat 18.50-de Shyǵys Qazaqstan oblysynda aýa raıynyń buzylýyna baılanysty (qar, burqasyn, joldarda kórýdiń nasharlaýy) «Omby-Maıqapshaǵaı» avtojolynyń 756-906 shaqyrymynda Semeı qalasy - Qalbataý ýchaskesinde júk jáne qoǵamdyq avtokólikter qozǵalysy shekteldi.
22 qańtarda saǵat 19.20-da «Taskesken-Baqty-QHR shekarasy» jolynyń 0-187 shaqyrymynda Taskesken aýylynyń burylysy men QHR shekarasy ýchaskesinde barlyq kólik túriniń júrýine tyıym salyndy.
