Almaty jáne Ońtústik Qazaqstan oblystarynda qar kóshkini qaýpi bar
ASTANA. QazAqparat - 3-31 mamyr aralyǵynda Almaty men Ońtústik Qazaqstan oblystarynyń taýly aýdandarynda qar kóshkini bolýy yqtımal, dep habarlaıdy «Qazgıdromet» RMK.
Meteostantsııanyń deregi boıynsha, Qazaqstannyń kóptegen taýly aımaqtarynda qar jamylǵysy eridi, alaıda respýblıkanyń ońtústigi men ońtústik-shyǵysyndaǵy bıik taýly aýmaǵynda qar kóshkini bolýy múmkin.
Qar jamylǵysy týraly aqparat Іle Alataýynyń bıik taýly stantsııalarynan ǵana kelip túsýde. «Qar jamylǵysynyń bıiktigine baılanysty (80-170 sm) Almaty men Ońtústik Qazaqstan oblystarynyń taýly aýdandarynda 3-31 mamyr aralyǵynda qar kóshkini qaýpi bar», - delingen habarlamada.
Osy aralyqta bıik taýly aýmaqtarda sporttyq jáne mádenı-buqaralyq sharalar ótkizýge tyıym salynady.
