Almaty Jańa jylǵa qalaı bezendirildi
ALMATY. QazAqparat - Almatylyqtar jańa jyl merekesin qarsy alýǵa qalaı ázirlenip jatyr, QazAqparat tilshisi ásem qala Almatynyń ajaryn asha túsken jańajyldyq bezendirý jumystaryn kórip qaıtty.
Ońtústik astanalyqtar men qala turǵyndary jańa jyl qarsańynda bezendirilgen Almaty kóshelerin aralaı júrip, ertegi álemine engendeı kúı kesheri sózsiz. Ásirese, keshqurym kóshelerde jarqyraǵan shamdar, bezendirilgen shyrshalar Eýropa qalalaryn eske salady. Atap óterlik jaıt, qala bıligi osynshama ásem buıymdardy alýǵa kóp shyǵyndanbaǵan.
«Almaty qalasy Mádenıet jáne arhıvter basqarmasy qala bıýdjetinen bıylǵy bezendirý jumystaryna jáne jalpy jeltoqsandaǵy merekelik sharalarǵa 175 mln teńge jumsady. 2016 jyly jeltoqsan aıyndaǵy sharalarǵa 215 mln teńge jumsaǵan bolatyn. Qalada 260 shaqyrym gırlıandalar men ıllıýmınatsııa shamdar tartylyp, 6 800 ásemdik buıymdary ilindi. Bıyl qoldanylǵan buıymdar kelesi jyly da paıdalanylatyn bolady», - dedi atalǵan basqarmadaǵylar. 
