Almaty Jańa jylǵa daıyndyqty bastap ketti
ALMATY. QazAqparat - Almaty Jańa jyl merekesine daıyndyqty bastap ketti. Bul týraly qalalyq mádenıet basqarmasynyń basshysy Ernar Qurmashev aıtty, dep habarlaıdy QazAqparat tilshisi.
«Qazir jańajyldyq bezendirýdi qolǵa aldyq. Biryńǵaı brendbýk ázirledik. Bul - tehnıkalyq qujat. Ony bezendirýmen aınalysatyn kompanııalarǵa taratyp beremiz. Biz qalanyń shalǵaı aýdandaryn da sándeımiz», - dedi Ernar Qurmashev qoǵamdyq keńestiń otyrysynda.
Onyń aıtýynsha, bıyl megopolıs kósheleri arnaıy dızaın boıynsha árlenedi.
«Merekelik alańdarǵa keletin bolsaq, munda polıortalyqtandyrý qarastyrylǵan. 8 alań bolady. Barlyǵyna jasyl shyrsha ornatamyz. Merekelik shoý-baǵdarlamany da oılastyryp qoıdyq. Eń úlken shyrshany «Astana» alańyna ornatamyz. Shyrshanyń shyraǵyn jaǵý rásimi 18 jeltoqsanǵa josparlanǵan», - deıdi Almaty qalalyq mádenıet basqarmasynyń bastyǵy Ernar Qurmashev.
