Almaty jańa jylǵa daıyndalýda
ALMATY. Qarashanyń 28-i. QazAqparat /Erbol Azanbek/ -Búgin Almaty ákimi Ahmetjan Esimov qalany aralap, jańa jylǵa daıyndyǵyn tekserdi,
dep habarlaıdy QazAqparat.
Qala ákimi barlyq 7 aýdanda bolyp, úlken kósheler men alańdardyń, ǵımarattardyń, saýda oryndarynyń jańa jyldyq bezendirilýin qarady. Qazirgi tańda qala boıynsha 17 jańa jyldyq shyrsha ornatylǵan. Qalanyń bezendirilýi «Almatyjarnama» MKK jáne «Almatyqala bezendirý» AQ-nyń usynysyna sáıkes júrgiziledi. Qazirgi kezde barlyq aýdandarda bezendirilý jumystary qyzý júrgizilýde. Bul júrgizilip jatqan jumystar 1 jeltoqsanǵa deıin bitýi tıis. Odan ári «Eń úzdik jańa jyldyq bezendirilý» konkýrsy ótkizilip, eń úzdik bezendirilgen ǵımarat, saýda oryndary anyqtalady. Olarǵa baǵaly syılyqtar tapsyrý kózdelgen. Al oǵan deıin 1 jeltoqsan kúni Astana alańynda dástúrli jańa jyldyq shyrshany jaǵý rásimi ótkiziledi.
