Almaty jan basyna shaqqan kirisi jaǵynan Qazaqstan ǵana emes, kúlli Ortalyq Azııada aldyńǵy orynda kele jatyr
ALMATY. 23 maýsym. QazAqparat - Qazaqstandaǵy jeke tulǵalardyń salymdarynyń 50 paıyzy Almatyda. Bul týraly búgin Qazaqstan polıtsııasy qyzmetkerleriniń tól merekesin atap ótýge arnalǵan saltanatty jıynda aıtyldy.
«Almaty jan basyna shaqqan kirisi jaǵynan Qazaqstan ǵana emes, kúlli Ortalyq Azııada eń aldyńǵy orynda kele jatyr. Munda iri bankter men qarjy uıymdary shoǵyrlanǵan. Asa úlken qarjy aǵyny ótedi. Máselen jeke tulǵalardyń salymdary 3,6 trıllıon teńge. Bul respýblıkadaǵy jeke tulǵalardyń jalpy salymynyń 50 paıyzy. Bank kartochkalary opratsııalarynyń 40 paıyzdan astamy jáne valıýta aıyrbastaý oryndary arqyly naqty aqshaǵa aılanysty operatsııalardyń 50 paıyzdan astamy Almatyda jasalady. Bul bizdi qýantady jáne qalanyń mártebesin kórsetedi», - dedi qala ákimi Ahmetjan Esimov. A. Smaǵululynyń aıtýynsha, degenmen munyń ekinshi jaǵy da bar. Qazaqstannyń qarjylyq, ekonomıkalyq ortalyǵy sanalatyn Almatynyń joǵary kórsetkishi alys-jaqyn shet eldegi qylmystyq jolmen paıda tabýdy kózdeýshilerdi de ózine eriksiz tartýda. Sondyqtan túrli deńgeıdegi urlyq, tonaý, qaraqshylyq shabýyl jasaý faktileri oryn alýda. Qalanyń budan ary qaryshtap damyp, halyqtyń ómir súrý deńgeıi kóterilý úshin qoǵamdyq tártipti saqtaýdyń jańa ádisteri jasalyp, oǵan jalpy jurtshylyqty tartý kerek.
