Almaty, Jambyl, Ońtústik Qazaqstan oblystarynda keıbir jerlerde aýanyń temperatýrasy 0-5 gradýsqa deıin tómendeıdi - 6 qazanǵa arnalǵan aýa raıy boljamy
ASTANA. 5 qazan. QazAqparat - Qazaqstannyń kóp bóligi kólemdi antıtsıklonnyń yqpalynda bolady, respýblıka aýmaǵynyń tek batys jáne shyǵys bólikteri atmosferalyq bólikter aýmaǵyna túsip, sonymen birge batysta keıbir jerlerde jańbyr, shyǵysta - qar aralas jańbyr jaýady.
Bul týraly Qazgıdrometke silteme jasap, QR TJM-niń baspasóz qyzmetinen habarlaıdy.
Almaty, Mańǵystaý, Atyraý, Shyǵys Qazaqstan oblystarynda, kúndiz Batys Qazaqstan oblysynda keıbir jerlerde jel 15-20 m/s-qa deıin kúsheıedi, Atyraý oblysynda keıbir jerlerde shańdy daýyl soǵady.
Qyzylorda, Ońtústik Qazaqstan, Jambyl, Almaty oblystarynyń keıbir jerlerinde tótenshe joǵary órt qaýiptiligi saqtalady.
Jaqyn úsh táýlikte respýblıkanyń taýly aýmaqtarynda sý deńgeıiniń aýytqýlary baıqalady, Batys Altaıdyń jekelegen ózenderinde jaýyn-shashyndarǵa baılanysty sý deńgeıi kóterilýi yqtımal.
