Almaty jalpyqalalyq dızaın kodqa qashan ótedi
ALMATY. QazAqparat – Almaty jalpy qalalyq dızaın kodqa aýysatyn boldy. Jańa kontseptsııa týraly ákimdikte ótken baspasóz máslıhaty barysynda aıtyldy, dep habarlaıdy QazAqparat tilshisi.
«Dızaın-kod jasaldy. Negizinen jańa kontseptsııa Almatydaǵy ár ǵımaratty saqtaýǵa, uqypty ustaýǵa jasalǵan. Tujyrymdamaǵa negiz retinde kanadalyq qala qurylysyn retteý júıesi alyndy. Eger úıdiń qasbetin ózgertý kerek bolsa, belgili bir talapqa saı ózgertetin bolady. Álbette, adamdardyń bári ǵımaratty ustap otyrýǵa aqsha tóleıtini ras. Olarǵa baryp terezeńdi, qasbetińdi aýystyr dep eshkim májbúrlemeıtin bolady», - dedi Almatydaǵy qala josparlaý jáne ýrbanıstıka basqarmasynyń basshysy Almashan Ahmedjanov.
Onyń aıtýynsha, baspana ıelerine tańdaý beriledi.
«Eger adam sary úıdiń balkonyn kókke boıaǵysy kelse, oǵan dızaın kodtaǵy talapty kórsetemiz. Turǵyndar ózin-ózi baqylaıtyn júıe bolady. Ǵımarattardy ustap turý men paıdalaný salasynda birqatar bızneste ósim bolady dep senemiz», - dedi A.Ahmedjanov.
