Almaty Womens halyqaralyq týrnıriniń birinshi nómiri qazaqstandyq tennısshiden jeńilis tapty
ASTANA. 21 qazan. QazAqparat - Qazaqstandyq tennısshiler Zalına Haırýdınova men Anna Danılına tennısten áıelder arasynda ótip jatqan Almaty Womens halyqaralyq týrnıriniń jartylaı fınalyna shyqty,
dep habarlaıdy QR tennıs federatsııasynyń resmı saıty.
Shırek fınalda Zarına Haırýdınova Reseı eliniń tennısshi qyzy Polına Rodıonovamen kezdesip, 6:4, 6:2 esebimen jeńiske jetti. Al Anna Danılına týrnırdiń birinshi nómeri ózbekstandyq Vlada Ekshıbarovaǵa qarsy oıyn ótkizip, qarsylasyn 6:4, 6:3 esebimen tize búktirdi.
Sonymen qatar búgingi shırek fınaldyq matchtarda jerlesterimiz jartylaı synda kezdesetin tennısshilerdiń esimderi belgili boldy. Kort alańyna reseılik qos sportshy Aleksandra Artamonova men Anna Smolına arasyndaǵy oıynda Aleksandra Artamonovanyń baǵy basym boldy. Esep - 5:7, 6:4, 6:1. Qyrǵyzstan eliniń namysyn qorǵap júrgen Bermet Dývanaeva 4/1 fınalda týrnırdiń ekinshi nómiri Ekaterına ıAshınadan 6:3, 6:1 esebimen basym tústi.
Erteń Haırýdınova qyrǵyzstandyq sportshy Dývanaevamen, al Danılına reseılik Artamonovamen kezdesip, ózara myqtyny anyqtaıdy.
