«Almaty» voleıbol klýby erler arasyndaǵy klýbtyq Azııa chempıonatyna daıyndalýda
ALMATY. 12 maýsym. QazAqparat - Búgin voleıboldan erler arasyndaǵy bıylǵy el chempıonatynda da úzdik shyqqan almatylyq sportshylar oqý-jattyǵý jıynyn bastady.
Olar 26 maýsym kúni klýbtyq Azııa chempıonatyna qatysý úshin Qytaıǵa attanady. 30 maýsym men 8 shilde aralyǵynda ótetin bul baıraqty báseke Shanhaı qalasynda bolady. Ulttyq quramanyń ózge komandalarynyń múshelerimen nyǵaıtylǵan bul jıynǵa 16 oıynshy shaqyrylyp otyr. Olardyń arasynda «Almatydan» Áset Bazarqulov, Nódirhan Qadyrhanov, ıÝrıı Stýlov, Dmıtrıı Gorbatkov, Anton ıÝdın, Alekseı Gýtor, Vıtalıı Mıronenko, Aleksandr Stolnıkov, Vıtalıı Erdshteın, Oleg Verıgın, Sergeı Kýznetsov, «Atyraýdan» Narıman Súleımenov pen Narıman Áýbákirov, «Shyǵys-QorǵasynQurylystan»Maksım Mamedov, «TNK Qazhromnan» Tasqyn Sharıpov, «Kondensattan» Vıtalıı Vorıvodın bar.
Azııanyń 17 eliniń úzdikteri qatysatyn bul chempıonattyń irikteý kezeńinde almatylyqtar Indonezııa, Úndistan jáne Kýveıt voleıbolshylarymen kezdesedi. Byltyr Indonezııada ótken klýbtyq Azııa chempıonatynda olar aqtyq synda Irannyń «Peıkan» komandasyna utylyp, kúmis júldemen oralǵan bolatyn.
