«Almaty» voleıbol klýby Azııa chempıonatynda úzdik bestiktiń qataryna endi
ALMATY. Maýsymnyń 14-i. QazAqparat /Erlik Erjanuly/ - Keshe Qytaıdyń Djındjang qalasynda óz jalaýyn túsirgen erler arasyndaǵy klýbtyq Azııa chempıonatynda qazaqstandyq voleıbolshylar 5-shi oryn aldy.
Onda el namysyn qorǵaǵan Gennadıı Parshın shákirtteri shırek fınalda Katardyń «Ál-Arabı» komandasyna 1:3 (19:25, 25:23, 23:25, 17:25) ese jiberip júldeli oryndardan tys qaldy. Al 5-8 oryndar úshin bolǵan oıynda mıanmalyqtardy 3:0 (25:22, 25:23, 25:22) jáne taılandtyqtardy 3:1 (25:17, 25:19, 18:25, 25:17) esebimen utty. Fınaldyq oıynda katarlyqtardan (3:1) basym túsken ırandyqtar Azııa chempıony atansa, qytaılyqtardy 3:0 esebimen (27:25, 25:20, 25:19) oısyrata jeńgen japondyqtar úshinshi oryndy ıelendi.
Maýsymnyń 5-i kúni jalaýyn kótergen bul dúbirli dodada toptyq kezdesýde G. Parshın jattyqtyratyn almatylyq voleıbolshylar 2 oıynda utyp, 2 oıynda jeńilis tapty. Máselen japondyqtarǵa 3:0, qytaılyqtarǵa 3:2 esebimen ese jiberip, Vetnam (1:3) men Indonezııa (3:0) sportshylarynan basym tústi.
