Almaty vokzalynda júkti áıel bosandy
ALMATY. QazAqparat - Almaty-1 temirjol stansasynda áıel adam óziniń tuńǵyshyn dúnıege ákeldi. «Jolaýshylar tasymaly» AQ-nyń baspasóz qyzmetiniń habarlaýynsha, bul bıylǵy jyly bolyp otyrǵan úshinshi jaǵdaı.
Dúısenbi kúni № 378 «Mańǵyshlaq-Almaty» poıyzynyń jolserikteri Shymkentten Almatyǵa ketip bara jatqan Sajıda Malıkova atty jolaýshyny bosandyryp aldy.
«Poıyz Shamalǵan stansasynan jolǵa shyqqan soń áıeldiń tolǵaǵy qysa bastaǵan. Poıyz bastyǵy Almaty-1 stansasyna jedel járdem qyzmetin shaqyrdy. Jolserikter Qaharman Dilimbetov pen Baqytjan Jamantaev jolaýshylardyń arasynan medıtsına mamanyn izdestirdi. Abyroı bolǵan Altynaı Japabaeva atty azamatsha jedel járdem qyzmeti kelgenshe, áıeldi bosandyrýǵa qolǵabys etti»,- dedi vedomstvo ókilderi.
Jedel járdem qyzmeti kelgenshe Almaty-1 vokzalynyń jolaýshylar vagonynda áıeldi bosyndyrý jóninde sheshim qabyldanǵan.
«Medıtsına mamandary men poıyz brıgadasy ókilderiniń birizdi qımyldarynyń arqasynda qyz bala dúnıege aman-esen keldi. Poıyz Almaty-1 vokzalynda 40 mınýt aıaldady. Bul osymen sapar barysynda dúnıege kelgen 3-shi náreste»,-dedi «Jolaýshylar tasymaly» AQ-nyń baspasóz qyzmetiniń ókilderi.
