Almaty vokzalynda vagon órtenýine baılanysty qyzmettik tekserý júrgiziledi
ASTANA. QazAqparat - Almaty vokzalynda jolaýshylar vagonynyń órtenýine baılanysty qyzmettik tekserý júrgiziledi. Bul týraly «Jolaýshylar tasymaly» AQ-ynan málim etti, dep habarlaıdy QazAqparat.
«2017 jyldyń 19 qańtarynda Almaty stansasynyń tehnıkalyq parki aýmaǵynda esepten shyǵarylǵan vagonnan tútin shyqty. Zardap shekkender men qaza tapqandar joq. 1979 jyly 9 qarashada jasalǵan vagon tehnıkalyq jaǵdaıyna baılanysty paıdalanylýdan shyǵarylyp, kádege jaratýǵa daıyndalyp jatqan», - delingen kompanııa aqparatynda.
«Taratylǵan aqparatqa qaraǵanda, jolaýshylar vagonynyń ortasha paıdalanylý merzimi 28 jyldy quraıdy. Oqıǵanyń oryn alýy sebebi anyqtalýda. Qyzmettik tekseristiń qorytyndysynda sáıkesinshe sharalar qabyldanatyn bolady», - dep atap ótken kompanııadan.
Aıta keteıik, buǵan deıin Almaty-2 temir jol vokzalynda jolaýshylar vagony órtengenin habarlaǵan bolatynbyz.
