«Almaty - Uzynaǵash» poıyzyna bıletti Ońaı arqyly alýǵa bolady
ALMATY. QazAqparat - «Almaty-Uzynaǵash» elektropoıyzynda jol aqysyn Ońaı kartasy arqyly tóleýge bolady, dep habarlaıdy QazAqparat tilshisi.
Bul múmkindik 23 qańtardan bastap qoljetimdi bolmaq.
«Biz Ońaı júıesiniń kóptegen múmkindikteri bar ekenin jáne onyń ary qaraı damytýǵa bolatynyn birneshe ret aıtqan edik. Ońaı óz qoldanýshylarymen únemi baılanysta bolyp, tek qoǵamdyq kólikte ǵana emes, basqa da taýarlardy satyp alýǵa yńǵaıly bolýy úshin qyzmet atqaryp jatyrmyz. Ońaı júıesi kez kelgen elektrondy qyzmettermen eshbir tehnıkalyq kedergisiz ıntegratsııalana alady», - dedi Almaty qalasy kólik holdınginiń dırektory Sadır Hamraev.
«Almaty 1 - Uzynaǵash - Almaty 1» baǵytymen qatynaıtyn «Turan Ekspress» jolaýshylar kóliginiń baǵasy barlyq Ońaı qoldanýshylary úshin eshqandaı jeńildiksiz 80 teńge bolyp otyr.
Bul qyzmetti tek Ońaı kartasy, «Dızaınerlik» karta, «Ońaı» áshekeıi (brelogy), mektep oqýshylarynyń Ońaı kólik kartasy, Almaty oblysynyń mektep oqýshysy kartasy, stýdenttik karta, qoǵamdyq kólik kartasy, 75 jasqa deıingiler qoldanatyń zeınetkerler qoǵamdyq kartasy, kópbalaly ana qoǵamdyq kartasy bar qoldanýshylar paıdalana alatynyn atap ótken jón.
Búgingi tańda Ońaı kartasymen Almaty zoobaǵynda, «Medeý» muz aıdynynda, «Kók-Tóbe» saıabaǵynda tólem jasaýǵa bolady.
