Almaty əýejaıynyń jańa termınaly qaı jerden salynatyny belgili boldy
ALMATY. QazAqparat - Almaty halyqaralyq əýejaıyndaǵy jańa termınaldyń qaı jerde salynatyny belgili boldy. Bul týraly búgin Túrksib aýdanynyń əkimi Pavel Kýlagın óńirlik kommýnıkatsııalar qyzmetinde ótken baspasóz məslıhaty barysynda aıtty, dep habarlaıdy QazAqparat tilshisi.
«Əýejaı ǵımaratyn qaıta jańǵyrtýǵa kelsek, jaqynda ǵana onyń basshylyǵy aýysty. Qazirgi tańda eskızdik jobaǵa halyqaralyq baıqaý jarııalandy. Meniń oıymsha, jaqyn arada atalǵan jobanyń jeńimpazy belgili bolady. Ony jaqyn arada BAQ ókilderine tanystyramyz»,- dedi Pavel Kýlagın óńirlik kommýnıkatsııalar qyzmetinde ótken baspasóz məslıhatynda.
Onyń aıtýynsha, qolǵa alynatyn jobany júzege asyrý úshin jer telimi de bólinip qoıǵan.
«Aımaq qorshaýǵa alynyp, qurylysqa daıyndalyp jatyr. Atalǵan terrıtorııanyń topyraǵy shyǵaryldy. Əýejaıdan ońǵa taman Zakarpatskaıa kóshesindegi bos oryn bar»,- dedi əkim.
Aıta ketý kerek, osydan birneshe apta buryn əýejaı ókilderi jańa termınal týraly baıandaǵan bolatyn.
Osyǵan deıin Almaty áýejaıynyń basshylyǵy jańa termınaldyń ótkizý qabiletin arttyrýdyń birneshe joly týraly aıtty.
