Almaty ÝEFA Kýboginiń aqtyq oıynyn ótkizýge úmitker - shaǵyn fýtbol
ALMATY. 2 jeltoqsan. QazAqparat /Erbol Turymbetov/ - Almaty qalasy shaǵyn fýtboldan ÝEFA Kýboginiń aqtyq oıynyn ótkizýge ótinish berdi.
Oǵan sońǵy elıtalyq kezeńdi ótkizgeninen keıin Almatynyń múmkindikterin batys eýropalyq mamandardyń joǵary baǵalaýy sebep bolyp otyr.
Aıta keteıik, shaǵyn fýtboldan ÝEFA kýbogy úshin jarystyń jartylaı fınalynda Almatynyń «Qaırat» klybymen birge Portýgalııanyń «Sportıng», Italııanyń «Montesılvano» jáne ÝEFA Kýboginiń qazirgi ıegeri «Benfıka» komandasy oınaıdy.
Almatydan basqa, aqtyq oıyndy ótkizýge Lıssabon jáne Italııanyń Montesılvano qalashyǵy da ótinish bergen. Almatylyq klýb basshylarynyń pikirinshe, byltyrǵy fınal Lıssabonda ótkendikten, 2 jyl qatarynan bir qalada ótpeýi múmkin. Al 50 myń turǵyny bar Montesılvano qalashyǵyna aqtyq oıyn ótkizý saı emes. Osy oraıda Almatynyń múmkindigi joǵary bolyp otyr.
Sonymen, aqtyq oıyn ótetin qala 2011 jylǵy 11 qańtarda belgili bolady. Al "tórteýdiń saıysy" sáýir aıynda ótedi.
