Almaty UBT qorytyndysy boıynsha 1-shi orynda
ALMATY. QazAqparat - 2014 jylǵy Ulttyq biryńǵaı testileý qorytyndysy boıynsha Almaty osymen úshinshi jyl kóshbasshy bolyp otyr. Bul týraly QazAqparat tilshisine qalalyq Bilim berý basqarmasynyń basshysy Rahat Shımasheva aıtty.
«Almaty túlekteri osymen úshinshi jyl qatarynan kóshbasshylyq pozıtsııasyn saqtap qaldy. Bıyl Almatyda «Altyn belgige» úmitker 229 oqýshynyń 173-si (75,5%) ózderiniń úzdik bilimderin dáleldedi. Olardyń ishinde 21 túlekke «Altyn belgige» 1 bal jetpeı qaldy. 5 oqýshy 124 ball jınaqtady. Al eń úzdik nátıjeni №90 lıtseıdiń túlekteri kórsetti», - dedi Rahat Shımasheva. Onyń aıtýynsha, 50-den tómen ball jınaqtaǵan mektep bitirýshilerdiń sany bıyl 5,1 paıyzǵa azaıǵan. Al 1831 (37,4%) oqýshy 100-den astam bal jınady. Bul byltyrǵy jylmen salystyrǵanda 14,1 paıyzǵa kóp. UBT qorytyndysyna sáıkes, ortasha ball boıynsha Alataý (97,3 ball), Medeý (96,4 ball), Almaly aýdandary kósh bastap tur (96,3 ball). Aıta keterligi, UBT-ǵa Almaty boıynsha barlyǵy 189 jalpy bilim berý uıymy qatysty.
