«Almaty týry» velojarysynyń jeńimpazy 15 myń eýro alady

"Jarys jeńimpazy 15 myń eýro alady, - dedi arnaıy baspasóz máslıhatynda Halyqaralyq velosıpedshiler odaǵynyń tehnıkalyq keńesshisi Djek Vatson, - kóptegen myqty komandalardyń nazaryn aýdarǵan bul jaqsy júlde qory. Aqshalaı marapatty jarys júldegerleri de, jarys qorytyndysy boıynsha myqtylar jıyrmalyǵyna ótetin sportshylar da alady. Sondaı-aq, jarystyń eń úzdik jaqyn qashyqtyqqa júgirýshisine de júlde oınatylady".

Jarystyń sońǵy saǵatynyń tikeleı translıatsııasy "Eýrosport" telearnasynan kórsetiledi. Jarysty belgili sport túsindirmeshisi Sergeı Kýrdıýkov júrgizedi. Kórermenderge qatysty aıtar bolsaq, Almaty qalasy dene shynyqtyrý jáne sport basqarmasynyń basshysy Qaıyrbolat Qaıdarovtyń sózine qaraǵanda, jankúıerler úshin tutas baǵdar boıymen jarysty qadaǵalaı alatyn 5-6 oryn jabdyqtalady.

Qatysýshylar arasynda úsh kásibı komanda, 11 qurlyqtyq, úsh ulttyq qurama jáne eki klýb bar. Olardyń arasynda úsheýin Qazaqstan usynady. Olar Continental Team Astana, Vino 4-ever jáne Qazaqstan quramasy. Velojarys dırektory Aleksandr Antyshevtiń sózine qaraǵanda, ulttyq komanda quramynda Qazaqstan velosportynyń barlyq juldyzdary oıyn kórsetedi.

"Qazaqstan quramasynyń quramynda kásibı týrda qazir "Astana" velokomandasy úshin oıyn kórsetetin bizdiń barlyq jarysýshylarymyz barady", - dedi Antyshev.

Eske sala keteıik, 6 qazanda Almatyda Halyqaralyq velosıpedshiler odaǵynyń qamqorlyǵymen birinshi halyqaralyq jarys ótedi. Tasjoldyń uzyndyǵy 186 shaqyrymdy quraıdy. Ázirlengen baǵdarǵa sáıkes qatysýshylar jarysty Dostyq dańǵyly jáne Táttimbet kóshesiniń qıylysynan bastap, ál-Farabı dańǵylynyń boıymen Tuńǵysh Prezıdent baǵyna qaraı baǵyttalady. Odan ári keri qaraı burylyp, ál-Farabı boıymen Qulja jolyna deıin jalǵastyrady, odan keıin keıin jarys bastalǵan jerge deıin keri jalǵasady. Bir sheńberdiń qashyqtyǵy 30-dan astam shaqyrymdy quraıdy. Barlyǵy alty osyndaı sheńber bolady.

Іs-sharanyń quny shamamen 2 mıllıon eýroǵa baǵalanady. Uıymdastyrýshylar jarysty tańerteńgi saǵat 10:00-de bastaýdy jáne kúndiz saǵat 14:00-de aıaqtaýdy josparlaýda. Tómende jarysqa qatysýshylar tizimin jarııalaımyz:

"Almaty týryna" qatysýshylar quramy:
1. Badriani Valvole - CSF INOX (Italııa)
2. Team Novo Nordisk (AQSh)
3. CCC Polsat Polkowice (Polsha)
4. Arbo Gebruder Weiss - Oberndorfer (Avstrııa)
5. ISD Continental Team (Ýkraına)
6. Kolss Cycling Team (Ýkraına)
7. Rietumu - Delfin (Latvııa)
8. CCN Cycling Team (Brýneı)
9. La Pomme Marseille (Frantsııa)
10. Polygon Sweet Nice (Irlandııa)
11. Synergy Baku Cycling Project (Ázirbaıjan)
12. Itera Katusha Team (Reseı)
13. Continental Team Astana (Qazaqstan)
14. Alpha Baltic - Unitymarathons.com (Latvııa)
15. Ózbekstan ulttyq komandasy
16. Qazaqstan ulttyq komandasy
17. Iran ulttyq komandasy
18. Dutch National Team
19. Vino 4-Ever (Qazaqstan)
20. Team Corbusier CC (Malaızııa).