«Almaty týry - 2016» velojarysyna 14 komanda qatysady
ALMATY. QazAqparat - Ońtústik astanamyzda ótetin «Almaty týry - 2016» bir kúndik tas joldaǵy velojarysyna qatysty aqparattar búgin arnaıy uıymdastyrylǵan baspasóz maslıhatynda jarııa etildi.
BAQ-qa arnalǵan jıynda sóz sóılegen spıkerler Almaty tas jolynyń daıyndyǵy jáne qatysýshy komandalar men jarystyń bıylǵy erekeshiligi týraly jan-jaqty aıtty.
«Velojarys Almaty ákimdiginiń qoldaýymen ótkizilgeli otyr. Buǵan deıin saıysty kópkúndik retinde ótkizýdi usynǵanbyz. Alaıda, birqatar máselelerge baılanysty ıdeıamyz júzege aspaı qaldy. Bıylǵy saıysqa biz 20 emes, 14 komanda shaqyrdyq, onyń 3-eýi qazaqstandyq. Osy arada aıta keteıik, sońǵy 5 jylda Qazaqstanda velosport jaqsy damyp keledi», - dedi Qazaqstan Velosport federatsııasynyń vıtse-prezıdenti Amanbek Qýlchıkov.
Aıta keteıik, «Almaty týry» bıyl tórtinshi ret ótkizilgeli otyr. Alǵashqy ret 2013 jyly bastalǵan. 2014 jyly UCI Halyqaralyq velosıpedshiler halyqaralyq odaǵy velojarysqa eń joǵarǵy dıvızıonnyń kásipqoı komandalary oınaıtyn 1.1 kategorııasyn berdi.
Jıynda sóz alǵan UCI Halyqaralyq velosıpedshiler odaǵynyń tehnıkalyq keńesshisi, velojarys dırektory Djek Vatson uıymdastyrýshy taraptyń nátıjeli jumys atqarǵanyn atap ótti.
«Velojarysty uıymdastyra bastaǵan alǵashqy jylǵa qaraǵanda bıyl jaqsy nátıjeler baıqaýǵa bolady. Uıymdastyrýshylar men Almaty qalasy ákimidigi álemdik deńgeıde ótetin aıtýly básekeler syndy bul velojarysty kópkúndik qylyp ótkizýdi oılastyrýyna tolyq múmkindik bar dep esepteımin», - dedi ol.
Jıynǵa qatysqan Almaty qalasy Dene shynyqtyrý jáne sport basqarmasy basshysynyń orynbasary Rústem Baıseıitov qala basshylyǵy velojarystyń ótýine ázir ekenin aıtty.
Velojarysqa Eýropa men Azııanyń 14 komandasy qatysady.
«Almaty týry 2016» veloshabandozdary Ál-Farabı dańǵyly boıymen jarysa otyryp, Mustafın kóshesimen ótip, Shyǵys aınalma jolynan keri burylyp, Talǵar baǵytyna túsedi. Bir aınalym qashyqtyǵy 31 shaqyrymn. Jarys jolynyń jalpy qashyqtyǵy 186 shaqyrym.
«Almaty týrynyń» týrynyń basty favorıti Astana kásipqoı velokomandasy jáne onyń kapıtany, «Almaty týrynyń» eki márte jeńimpazy Alekseı Lýtsenko. Astana quramynda álemniń eń myqty veloshabandozdarynyń biri Vınchentso Nıbalı.
Aıta keteıik, velojarys álemniń eń iri «Eurosport» sport telearnasynda jáne Qazaqstannyń «Kazsport» arnasynan beriledi.
Velojarystyń jalpy júlde qory 39 myń eýro. «Almaty týrynyń» jeńimpazy 15 myń eýro, ekinshi jáne úshinshi oryndarynyń ıeleri 10 jáne 5 eýrodan alady. Sonymen qatar, 20-orynǵa deıingi qatysýshylar marapattalady.
