Almaty týrnıriniń fınalyna shyqqan tennısshiler anyqtaldy
NUR-SULTAN. QazAqparat – Almaty ITF W25 týrnıriniń fınalyna shyqqan tennısshiler anyqtaldy, dep habarlaıdy QazAqparat tilshisi.
Álemniń 484-inshi, osy jarystyń 6-raketkasy Jibek Qulambaeva jartylaı fınalda Belarýs ókili Darıa Homýtıanskaıamen sheberlik baıqasty.
Qazaqstandyq tennısshi 6:2, 6:4 esebimen jeńiske jetti.
Ekinshi jartylaı fınalda reseılik Ekaterına Maklakova otandasy Amına Anshbany 6:4, 0:6, 6:4 esebimen tize búktirdi.
Osylaısha, fınalda J.Qulambaeva men E.Maklakova bas júldeni sarapqa salady.
Jibek sondaı-aq juptyq synda da fınaldyq kezdesýin ótkizedi.
Taǵy bir qazaqstandyq Beıbit Jýkaev Taılandta chellendjer týrnıriniń fınalyna shyǵa almaı qaldy. Ol jartylaı fınalda frantsııalyq Artýr Kazoǵa ese jiberdi – 1:6, 6:7 (6:8).
Eske sala keteıik, budan buryn AQSh ashyq chempıonatynda qazaqstandyq qos jasóspirimniń irikteý jarysynyń fınalyna shyqqanyn jazǵan bolatynbyz.
Sondaı-aq Anna Danılına AQSh ashyq chempıonatynyń úshinshi aınalymyna shyqty.
