Almaty turǵynynyń jylý júıesine qaryzy jarty mln teńgege jetken

ALMATY. QazAqparat - Almatynyń jylý júıesine 500 myń teńge tólemegen qala turǵyny sot aldynda jaýapqa tartyldy, dep habarlaıdy QazAqparat tilshisi.

«Almaty jylý júıesi» JShS qaryzdanyp qalǵan Almaty turǵynyn sotqa berdi. Ákimshilik is Almatynyń Medeý aýdandyq sotynda qaraldy.

«Almaty qalasy aýmaǵynda 2007 jyldyń 13 qyrkúıeginen bastap, jylý berýdiń qoǵamdyq negizdegi kelisimsharty engizilgen bolatyn. Kelisimshart boıynsha, aryzdanýshy kóppáterli úılerdegi páterlerge jylý berýge mindetti. Alaıda, jaýap berýshi atalǵan qujattyń 5.3, 5.4 tarmaqtary boıynsha jasalǵan shartyn oryndamaı, aı saıynǵy tólemdi engizbegen. Osyǵan baılanysty, ol boryshker dep tanyldy», - dedi sottyń baspasóz qyzmetindegiler.

2017 jyldyń 1 qyrkeúıegindegi esep boıynsha K. esimdi aıyptalýshynyń qaryzy 491 315 teńgege jetken.

«Sottyń sheshimimen,aryzdanýshy taraptyń shaǵymy qanaǵattandyryldy. Sot sheshimi zańdy kúshine endi», -dedi sottyń baspasóz qyzmeti.