Almaty turǵynynyń qorasynan 8 myltyq tabyldy
ALMATY. QazAqparat - Almaty polıtseıleri qala turǵynnan segiz «Saıga» qarýyn tárkiledi, dep habarlaıdy QazAqparat tilshisi.
Almaty polıtseıleri Naýryzbaı aýdany turǵynynyń qorasynan qarý-jaraq, optıkalyq kózdeýish jáne ańshylyq quraldar tapty.
«Arnaıy is-shara kezinde 1984 jyly týǵan K.esimdi azamat ustaldy, onyń 5 qańtarda «Kamerad» qarý-jaraq dúkenin tonaýǵa qatysqany anyqtaldy. Sonymen qatar, kúdiktiniń 12-shi kalıbrli tegis uńǵyly segiz myltyqty urlaǵany belgili boldy. Kúdikti qarý- jaraqty saraıda jasyrǵan. Barlyq qarýlar tárkilendi. Olarǵa saraptama taǵaıyndaldy», – dedi Almaty qalalyq polıtsııa departamenti bastyǵynyń orynbasary Berik Ábilbekov.
«Kamerad» qarý-jaraq dúkeninen qarý-jaraq pen ózge de múlikti urlaý deregi boıynsha qylmystyq isti Áýezov aýdandyq PB janyndaǵy polıtsııa bólimi tergep jatyr.
Kúdikti qamaýǵa alyndy.
